तामिळनाडूत भीषण स्फोट – फटाक्यांच्या कारखान्यात दुर्घटना, एकाचा मृत्यू; दोघे गंभीर जखमी
तामिळनाडूतील विरुधुनगर जिल्ह्यातील वेम्बाकोट्टाईजवळ फटाक्यांच्या कारखान्यात भीषण स्फोटाची घटना घडली आहे. या दुर्घटनेत एका कामगाराचा मृत्यू झाला असून दोघे जण गंभीर जखमी झाले आहेत.
मिळालेल्या माहितीनुसार, चथ्रपट्टी परिसरातील एक्सेल फायरवर्क्स या कारखान्यात सोमवारी (१३ एप्रिल २०२६) अचानक स्फोट झाला. या स्फोटात एम. पांडियाराजन (वय ३८) यांचा जागीच मृत्यू झाला.
तर या घटनेत पी. राजकुमार (वय ४२) आणि एस. रमेश (वय ३८) हे गंभीर जखमी झाले असून त्यांना अनुक्रमे १००% आणि ८०% भाजल्याची माहिती अग्निशमन दलाकडून देण्यात आली आहे. दोघांनाही तातडीने सिवकाशी येथील शासकीय रुग्णालयात दाखल करण्यात आले आहे.
घटनेनंतर अग्निशमन आणि बचाव पथकाने तात्काळ घटनास्थळी धाव घेत आग नियंत्रणात आणली. स्फोटाचे नेमके कारण अद्याप स्पष्ट झाले नसून, संबंधित यंत्रणांकडून तपास सुरू आहे.
👉 फटाक्यांच्या कारखान्यांमध्ये सुरक्षेचे नियम पाळणे किती महत्त्वाचे आहे, हे या घटनेतून पुन्हा एकदा समोर आले आहे.
