अमरावती विभाग शिक्षक मतदारसंघ निवडणूक; महायुतीचे अधिकृत उमेदवार किरण सरनाईक यांना पसंती क्रमांक १ चे मत देण्याचे आवाहन
यवतमाळ : अमरावती विभाग शिक्षक मतदारसंघाच्या निवडणुकीच्या पार्श्वभूमीवर यवतमाळ जिल्ह्याचे पालकमंत्री संजय राठोड यांनी शिक्षक बंधू-भगिनींना महायुतीचे अधिकृत उमेदवार किरण रामराव सरनाईक यांना पसंती क्रमांक १ चे मत देण्याचे आवाहन केले आहे. शिक्षकांचे प्रश्न, हक्क आणि हितसंबंध यांना प्राधान्य देण्यासाठी सरनाईक यांना पाठिंबा देण्याचे आवाहन त्यांनी केले.
शिक्षकांच्या विविध समस्या सोडविण्यासाठी आणि त्यांच्या हक्कांसाठी किरण सरनाईक सातत्याने कार्यरत असल्याचे संजय राठोड यांनी सांगितले. शिक्षकांना भेडसावणाऱ्या अडचणी, त्यांच्या न्याय्य मागण्या आणि शैक्षणिक क्षेत्रातील प्रश्न विधान परिषदेत प्रभावीपणे मांडण्यासाठी सरनाईक यांना संधी देण्याचे आवाहन त्यांनी केले.
अमरावती विभागातील शिक्षक मतदारांनी निवडणुकीत सक्रिय सहभाग नोंदवून महायुतीचे अधिकृत उमेदवार किरण रामराव सरनाईक यांच्या पाठीशी ठामपणे उभे राहावे आणि त्यांना पसंती क्रमांक १ चे मत द्यावे, असे आवाहन पालकमंत्री संजय राठोड यांनी केले.
शिक्षक मतदारसंघाच्या निवडणुकीच्या पार्श्वभूमीवर महायुतीकडून उमेदवाराच्या समर्थनार्थ आवाहन करण्यात येत असून, शिक्षक मतदारांचा कौल कोणाच्या बाजूने जातो, याकडे राजकीय वर्तुळाचे लक्ष लागले आहे.
