‘स्वः’ चित्रपटाच्या दुसऱ्या शेड्युलला धार्मिक वातावरणात सुरुवात

अमरावती : मराठी चित्रपटसृष्टीतील आगामी ‘स्वः’ या चित्रपटाच्या दुसऱ्या शूटिंग शेड्युलची सुरुवात अत्यंत भक्तिमय आणि धार्मिक वातावरणात करण्यात आली. आई भगवतीच्या दर्शनाने आणि पूजनाने या नव्या पर्वाचा श्रीगणेशा करण्यात आला.

या शुभ प्रसंगी विशेष पूजेचे आयोजन करण्यात आले होते. श्री १००८ महाशक्ती पीठाधीश्वर शक्ती महाराज यांच्या शुभहस्ते ही पूजा पार पडली. पूजेच्या वेळी संपूर्ण परिसर भक्तिमय वातावरणात न्हाऊन निघाला होता.

या भव्य कार्यक्रमाला अमरावतीचे महापौर श्रीचंद तेजवानी यांची प्रमुख उपस्थिती होती. तसेच भाजपा नेते तुषार भारतीय, संगम गुप्ता, हेमंत मालवीय, संजय शादी, सनी लालवानी, साध्वी तपस्विनी बैस आणि अनेक भाविक भक्त मोठ्या संख्येने उपस्थित होते. सर्वांनी देवीसमोर चित्रपटाच्या यशासाठी प्रार्थना केली.

या धार्मिक वातावरणात दुसऱ्या शूटिंग शेड्युलला सुरुवात झाली असून, आता चित्रपटाच्या चित्रीकरणाला गती मिळणार आहे.

यशाच्या दिशेने वाटचाल
देवीच्या आशीर्वादाने सुरू झालेल्या या नव्या टप्प्यामुळे ‘स्वः’ चित्रपटाबद्दल उत्सुकता वाढली आहे. हा चित्रपट प्रेक्षकांच्या पसंतीस उतरून यशाच्या शिखरावर पोहोचतो का, हे पाहणे औत्सुक्याचे ठरणार आहे.

मनोरंजन क्षेत्रातील ताज्या घडामोडींसाठी पाहत राहा – City News