“अंगणवाडीत घाणीचं साम्राज्य! दारूच्या बाटल्या, असामाजिक कृत्यांनी परिसर असुरक्षित; प्रशासनावर गंभीर प्रश्नचिन्ह”
अमरावती
लहान मुलांच्या शिक्षण आणि संगोपनासाठी असलेल्या अंगणवाडी केंद्राची अवस्था जर घाणीने आणि असुरक्षिततेने भरलेली असेल, तर ही केवळ दुर्लक्षाची बाब नाही—तर गंभीर प्रशासनिक अपयश मानलं जातं. नागपूरमधील सिंधी कॅम्प परिसरातील अंगणवाडी केंद्राची सध्याची परिस्थिती पाहता नागरिकांमध्ये तीव्र संताप व्यक्त होत आहे.
महानगरपालिकेच्या नागरी प्राथमिक आरोग्य केंद्र आणि बालविकास प्रकल्प अंतर्गत चालणाऱ्या या अंगणवाडी केंद्रात गेल्या अनेक वर्षांपासून स्वच्छतेचा पूर्णपणे अभाव असल्याचं समोर आलं आहे. परिसरात मोठ्या प्रमाणावर कचरा साचलेला असून दारूच्या रिकाम्या बाटल्या आणि घाण सर्वत्र विखुरलेली दिसत आहे.
नगरसेवक किशोर जाधव यांच्या पाहणी दौऱ्यात ही धक्कादायक बाब उघडकीस आली. काही नागरिक भिंतीवरून कचरा टाकत असल्यामुळे परिस्थिती आणखी बिकट झाली आहे. या निष्काळजीपणाचा सर्वात मोठा फटका बसतोय तो निरागस लहान मुलांना.
दुर्गंधीयुक्त, अस्वच्छ आणि असुरक्षित वातावरणात या मुलांना दिवस काढावे लागत आहेत. याहूनही गंभीर बाब म्हणजे, रात्रीच्या वेळी येथे असामाजिक घटकांकडून दारू पिणे आणि नशेचे प्रकार होत असल्याच्या तक्रारी समोर आल्या आहेत. त्यामुळे परिसरातील सुरक्षिततेचा प्रश्नही ऐरणीवर आला आहे.
या सर्व प्रकारामुळे नागरिकांमध्ये प्रशासनाविषयी तीव्र नाराजी निर्माण झाली आहे. अंगणवाडी सेविका सौ. बुर्हाडे यांनीदेखील या समस्यांबाबत आपली खंत व्यक्त करत तात्काळ उपाययोजनांची मागणी केली आहे.
दरम्यान, नगरसेवक किशोर जाधव यांनी संबंधित अधिकाऱ्यांना तात्काळ स्वच्छता, सुरक्षा आणि दुरुस्तीची कामे करण्याचे आदेश दिले असून लवकरच सुधारणा करण्यात येईल, असे आश्वासन दिले आहे. मात्र, अनेक वर्षांपासून सुरू असलेला हा प्रश्न अद्याप पूर्णतः सुटलेला नाही.
❗ मोठे प्रश्न उभे राहतात
इतक्या वर्षांपासून प्रशासन कुठे होतं?
लहान मुलांच्या आरोग्याशी असा खेळ का?
अंगणवाडी म्हणजे मुलांच्या उज्ज्वल भविष्याची पायाभरणी…
पण तिथेच जर अस्वच्छता आणि असुरक्षितता असेल, तर ही अत्यंत चिंताजनक बाब आहे.
प्रशासनाने तात्काळ ठोस कारवाई करून नागरिकांचा विश्वास परत मिळवणं गरजेचं आहे…
आणि नागरिकांनीही आपली सामाजिक जबाबदारी ओळखणं तितकंच महत्त्वाचं आहे.
अशाच ग्राउंड रिपोर्टसाठी पाहत राहा – सिटी न्यूज
