केंद्र सरकारने सोमवारी काही विशिष्ट प्रकारच्या प्लॅटिनम दागिन्यांच्या आयातीवर तात्काळ प्रभावाने निर्बंध लागू केले. परकीय व्यापार महासंचालनालय (DGFT) यांनी जारी केलेल्या ताज्या अधिसूचनेनुसार, या प्लॅटिनम दागिन्यांच्या आयात धोरणामध्ये बदल करून “मुक्त” वरून “प्रतिबंधित” असे करण्यात आले आहे.
हा निर्णय ३० एप्रिल २०२६ पर्यंत लागू राहणार आहे. यामुळे आता व्यापाऱ्यांना आणि आयातदारांना संबंधित प्लॅटिनम दागिने आयात करण्यासाठी DGFT परवाना अनिवार्यपणे घ्यावा लागणार आहे.
सरकारचा हा निर्णय देशातील प्लॅटिनम दागिन्यांचा आयात प्रवाह नियंत्रित करण्यासाठी आणि मौल्यवान धातूंच्या आयातीवर अधिक काटेकोरपणे देखरेख ठेवण्यासाठी महत्त्वाचा मानला जात आहे.
