भागधारकांना प्रत्येक शेअरवर मिळणार 100 रुपये प्रति शेअर लाभांश; तुमच्या पोर्टफोलिओमध्ये आहे का?

DISA India Dividend : डीआयएसए इंडिया लिमिटेड आपल्या गुंतवणूकदारांना आनंदाची बातमी दिली आहे. कंपनीने प्रति शेअर 100 रुपये लाभांश जाहीर केला असून जो आर्थिक वर्ष 2024-25 साठी अंतिम लाभांश असेल.

औद्योगिक उत्पादने तयार करणारी कंपनी DISA India Limited ने आपल्या भागधारकांसाठी प्रति शेअर 100 रुपये (1000%) लाभांश जाहीर केला आहे. हा लाभांश आर्थिक वर्ष 2024-25 साठीचा अंतिम लाभांश असेल. या घोषणेमुळे गुंतवणूकदारांना मोठा फायदा होणार आहे. कंपनीने या लाभांशासाठी 7 ऑगस्ट 2025 ही तारीख रेकॉर्ड डेट म्हणून निश्चित केली आहे. याचा अर्थ, 7 ऑगस्ट रोजी ज्या गुंतवणूकदारांकडे कंपनीचे शेअर्स असतील, ते या लाभांशासाठी पात्र ठरतील. कंपनीने दिलेल्या माहितीनुसार या लाभांशाची घोषणा 14 ऑगस्ट 2025 रोजी होणाऱ्या कंपनीच्या वार्षिक सर्वसाधारण सभेत (AGM) भागधारकांच्या मंजुरीनंतर केली जाईल. लाभांश मंजूर झाल्यानंतर 12 सप्टेंबर 2025 रोजी किंवा त्यापूर्वी तो भागधारकांना दिला जाईल.
गेल्या वर्षी देखील कंपनीने दोन वेळा लाभांश दिला होता, ज्याची एकूण रक्कम प्रति शेअर 200 रुपये होती. या वर्षी फेब्रुवारी महिन्यातही कंपनीने प्रति शेअर 100 रुपये लाभांश दिला होता. त्यामुळे या वर्षातील हा दुसरा लाभांश आहे.
कंपनीच्या शेअरची कामगिरी
शुक्रवार, 1 ऑगस्ट 2025 रोजी शेअर बाजार बंद झाल्यावर DISA India Ltd च्या शेअरची किंमत 1.36% नी घसरून 14090.15 रुपयांवर पोहोचली होती. गेल्या 3 महिन्यांत शेअरच्या किमतीत 2.18% ची वाढ झाली आहे. मात्र, या वर्षी हा शेअर 15% नी घसरला आहे आणि गेल्या 1 वर्षात शेअरची किंमत 30% नी खाली आली आहे. कंपनीचा 52 आठवड्यांचा उच्चांक 20460 रुपये आणि नीचांक 13201 रुपये आहे. कंपनीचे बाजार भांडवल 2049 कोटी रुपये आहे.
कंपनीच्या जूनमधील शेअरहोल्डिंगनुसार प्रवर्तकांचा हिस्सा 74.82% असून, उर्वरित 25.18% हिस्सा सामान्य गुंतवणूकदारांकडे आहे. गेल्या 5 वर्षांत या शेअरने 314% ची जोरदार वाढ दर्शवली आहे.

कंपनी काय काम करते?
DISA India Limited ही एक आघाडीची औद्योगिक उपकरणे उत्पादक कंपनी आहे. ही कंपनी प्रामुख्याने फाउंड्री आणि पृष्ठभाग तयार करण्याच्या प्रक्रियेसाठी (surface preparation) लागणारी प्रगत तंत्रज्ञान असलेली उपकरणे बनवते