अमरावती शिक्षक मतदारसंघाची मतमोजणी २५ तासांपासून सुरू!

१८ व्या बाद फेरीअंती किरण सरनाईक ३,४४१ मतांनी आघाडीवर; विजयासाठी १६,१३४ मतांचा कोटा

अमरावती | सिटी न्यूज

अमरावती विभाग शिक्षक मतदारसंघाच्या निवडणुकीची मतमोजणी तब्बल २५ तासांपासून सुरू असून, प्रत्येक बाद फेरीनंतर निकालाचे चित्र बदलण्याकडे सर्वांचे लक्ष लागले आहे. १८ व्या बाद फेरीअंती महायुतीचे उमेदवार किरण सरनाईक यांनी ३,४४१ मतांची आघाडी कायम ठेवली आहे. काँग्रेसच्या अदिती पोहरे दुसऱ्या, तर शिवसेनेचे बंडखोर उमेदवार श्रीकांत देशपांडे तिसऱ्या क्रमांकावर आहेत.

१८ व्या बाद फेरीअंती उमेदवारांची मते

• किरण सरनाईक (महायुती) – ८,७९६ मते
• अदिती पोहरे (काँग्रेस) – ५,३५५ मते
• श्रीकांत देशपांडे (शिवसेना बंडखोर) – ५,०३५ मते

या आकडेवारीनुसार किरण सरनाईक यांना अदिती पोहरे यांच्यापेक्षा ३,४४१ मते अधिक मिळाली आहेत.

विजयासाठी १६,१३४ मतांचा कोटा

पहिल्या पसंतीच्या मतांमध्ये कोणत्याही उमेदवाराला विजयासाठी आवश्यक असलेला कोटा पूर्ण करता आला नाही. त्यामुळे आता दुसऱ्या पसंतीच्या मतांची मोजणी सुरू आहे. विजयासाठी १६ हजार १३४ मतांचा कोटा निश्चित करण्यात आला आहे.

सध्याच्या आकडेवारीनुसार किरण सरनाईक यांना हा कोटा पूर्ण करण्यासाठी आणखी ७,३३८ मतांची आवश्यकता असल्याचे सांगण्यात येत आहे.

दुसऱ्या पसंतीच्या मतांकडे लक्ष

मतमोजणीच्या १८ व्या बाद फेरीपर्यंत किरण सरनाईक आघाडीवर असले, तरी दुसऱ्या पसंतीच्या मतांचे हस्तांतरण आणि पुढील बाद फेऱ्यांमधील आकडेवारी महत्त्वाची ठरणार आहे. विजयाचा निश्चित निर्णय कोणाच्या बाजूने लागतो, याकडे उमेदवारांसह राजकीय वर्तुळाचे लक्ष लागले आहे.

सिटी न्यूज | अमरावती शिक्षक मतदारसंघ निवडणूक २०२६