सिक्कीम दौऱ्यात पंतप्रधान मोदींचा फुटबॉलचा जलवा; गंगटोकमध्ये मुला-मुलींसोबत खेळले फुटबॉल
सिक्कीमच्या दोन दिवसीय दौऱ्यावर असलेले पंतप्रधान नरेंद्र मोदी यांनी गंगटोकमध्ये मुला-मुलींसोबत फुटबॉल खेळत सर्वांचे लक्ष वेधून घेतले. मंगळवारी सकाळी गंगटोकमध्ये झालेल्या या अनोख्या क्षणांनी उपस्थितांमध्ये उत्साहाचे वातावरण निर्माण झाले.
पंतप्रधान मोदी यांनी गंगटोकमध्ये काही मुलं आणि मुलींसोबत फुटबॉल खेळत आनंददायी क्षण अनुभवले. या खेळादरम्यान त्यांनी तरुणांशी संवाद साधत त्यांच्यासोबत उत्साहाने मैदानात सहभाग घेतला.
या फुटबॉल सत्रानंतर पंतप्रधान मोदी यांनी हा अनुभव “ऊर्जादायी” असल्याचे सांगितले. त्यांनी सोशल मीडियावर या क्षणांचे काही छायाचित्रेही शेअर केली असून, त्यामध्ये ते मुला-मुलींसोबत फुटबॉल खेळताना दिसत आहेत.
सिक्कीम दौऱ्यादरम्यान पंतप्रधानांचा हा खेळकर आणि उत्साही अंदाज पाहून स्थानिकांमध्ये आनंदाचे वातावरण निर्माण झाले. राजकीय व्यस्ततेतून वेळ काढत तरुणांसोबत मैदानी खेळात सहभागी झाल्याने पंतप्रधान मोदींच्या या उपक्रमाची सर्वत्र चर्चा होत आहे.
