AI मुळे करप्रणालीत मोठा बदल? ‘इन्कम टॅक्स’ऐवजी ‘कम्प्युट टॅक्स’ची शक्यता!
कृत्रिम बुद्धिमत्ता (AI) वेगाने नोकऱ्या बदलत असताना भविष्यात करप्रणालीतही मोठा बदल होऊ शकतो, असा इशारा यूकेमधील डिजिटल बँक Monzo चे संस्थापक टॉम ब्लॉमफिल्ड यांनी दिला आहे.
‘द रेस्ट इज मनी’ या पॉडकास्टमध्ये बोलताना ब्लॉमफिल्ड यांनी म्हटलं की, येत्या ५ ते ६ वर्षांत सरकारे पारंपरिक ‘इन्कम टॅक्स’ऐवजी ‘कम्प्युट टॅक्स’ म्हणजेच AI आणि डेटा सेंटर्सवर कर लावण्याचा विचार करू शकतात.
त्यांच्या मते, AI मुळे मानवी श्रमांची गरज कमी होत आहे. त्यामुळे सरकारांना महसूल उभारण्यासाठी नव्या मार्गांचा विचार करावा लागेल. “आपण मानवी श्रमावर कर लावणार नाही, तर ‘कम्प्युट’—म्हणजे डेटा सेंटर्स आणि AI सिस्टम्सवर कर लावू,” असे त्यांनी स्पष्ट केले.
या संकल्पनेनुसार, मोठ्या तंत्रज्ञान कंपन्या आणि AI इन्फ्रास्ट्रक्चर वापरणाऱ्या संस्थांवर कर लावून सरकारचा खर्च भागवला जाऊ शकतो.
तज्ञांच्या मते, जर AI मुळे रोजगाराच्या संधी कमी झाल्या, तर अशा प्रकारच्या करप्रणालीचा विचार भविष्यात वास्तव ठरू शकतो. मात्र, यासाठी धोरणात्मक बदल आणि जागतिक स्तरावर समन्वय आवश्यक असेल.
“AI चा प्रभाव केवळ नोकऱ्यांवरच नाही, तर अर्थव्यवस्था आणि करप्रणालीवरही होणार… भविष्यात ‘कम्प्युट टॅक्स’ ही नवी संकल्पना वास्तवात येते का, हे पाहणं महत्त्वाचं ठरेल.”
