नागपूर गणेशपेठ बसस्थानकावर हातचलाखी! गर्दीचा फायदा घेत प्रवाशाचा आयफोन लंपास — घटना CCTV मध्ये कैद
नागपूरच्या सर्वाधिक गजबजलेल्या गणेशपेठ बसस्थानकावर चोरट्यांचा सुळसुळाट वाढल्याचे समोर आले आहे. गर्दीचा फायदा घेत एका अज्ञात चोरट्याने प्रवाशाचा महागडा आयफोन चोरल्याची धक्कादायक घटना घडली असून, हा संपूर्ण प्रकार सीसीटीव्ही कॅमेऱ्यात कैद झाला आहे.
मिळालेल्या माहितीनुसार, ही घटना त्या वेळी घडली जेव्हा एक प्रवासी रामटेककडे जाणाऱ्या बसमध्ये चढत होता. बसस्थानकावर प्रचंड गर्दी असल्याने गोंधळाचे वातावरण निर्माण झाले होते. याच संधीचा फायदा घेत आरोपीने आपली हातचलाखी दाखवली.
सीसीटीव्ही फुटेजमध्ये स्पष्टपणे दिसते की, संशयित आरोपी आधीपासूनच परिसरात संशयास्पद हालचाली करत होता. प्रवासी बसमध्ये चढण्यासाठी गडबड करत असताना, त्याने अत्यंत सफाईदारपणे प्रवाशाच्या खिशातून आयफोन काढला आणि कोणालाही संशय न येऊ देता तेथून पळ काढला.
चोरी गेलेल्या मोबाईलची किंमत मोठी असल्याने प्रकरणाला गंभीर स्वरूप प्राप्त झाले आहे. पीडित प्रवाशाने गणेशपेठ पोलीस ठाण्यात तक्रार दाखल केली असून, पोलिसांनी सीसीटीव्ही फुटेजच्या आधारे आरोपीचा शोध सुरू केला आहे.
दरम्यान, या घटनेमुळे बसस्थानकावरील सुरक्षेचा प्रश्न पुन्हा एकदा ऐरणीवर आला आहे. प्रवाशांमध्ये भीतीचे वातावरण निर्माण झाले असून, पोलिसांनी आरोपीला लवकरच अटक करण्याचा विश्वास व्यक्त केला आहे.
प्रशासनाकडून नागरिकांना गर्दीच्या ठिकाणी आपल्या मौल्यवान वस्तूंची विशेष काळजी घेण्याचे आवाहन करण्यात आले आहे.
📺 अधिक अपडेट्ससाठी पाहत राहा — सिटी न्यूज
