ऑनर किलिंगचा धक्कादायक प्रकार! वडिलांनीच मुलीचा घेतला जीव

आंध्र प्रदेश | प्रतिनिधी

आंध्र प्रदेशातील पालनाडू जिल्ह्यातील माचेरला येथे ऑनर किलिंगची संतापजनक घटना समोर आली आहे. २२ वर्षीय तरुणीचा तिच्याच वडिलांनी गळा आवळून खून केल्याचा आरोप असून, या प्रकरणामुळे परिसरात खळबळ उडाली आहे.

मृत तरुणीचं नाव चौडेश्वरी असं असून, तिने कुटुंबाच्या इच्छेविरुद्ध विवाह केल्यामुळे हा प्रकार घडल्याची प्राथमिक माहिती समोर आली आहे.

👉 आत्महत्येचं नाटक करण्याचा प्रयत्न
१८ मार्च २०२६ रोजी चौडेश्वरीचा मृत्यू झाला होता. सुरुवातीला ही आत्महत्या असल्याचा संशय व्यक्त केला जात होता. मात्र, शनिवारी (४ एप्रिल) आलेल्या पोस्टमॉर्टम अहवालात गळा आवळून हत्या झाल्याचं स्पष्ट झालं.

तपास अधिकाऱ्यांच्या मते, आरोपीने हा खून आत्महत्येसारखा भासवण्याचा प्रयत्न केला होता.

👉 तपास सुरू, संतापाची लाट
या घटनेनंतर पोलिसांनी तपास सुरू केला असून, आरोपीविरोधात कठोर कारवाई होण्याची शक्यता आहे. या प्रकारामुळे समाजात संतापाची भावना व्यक्त केली जात आहे.

❗ समाजासाठी धोक्याची घंटा

ऑनर किलिंगसारख्या घटना आजही घडत असल्याने सामाजिक मानसिकतेवर प्रश्नचिन्ह निर्माण होत आहे. प्रेमविवाह किंवा वैयक्तिक निर्णयांमुळे जीव घेणं ही अत्यंत गंभीर आणि अमानवी कृत्य आहे.

👉 कठोर कारवाईची गरज
अशा घटनांना आळा घालण्यासाठी कायद्याची कठोर अंमलबजावणी आणि समाजात जागृती आवश्यक आहे.

“मान-सन्मानाच्या नावाखाली घेतला जाणारा जीव…
ही केवळ हत्या नाही, तर मानवतेचा पराभव आहे!”

📺 अशाच ताज्या आणि धक्कादायक बातम्यांसाठी पाहत राहा – सिटी न्यूज