दिल्लीत वीजदर वाढीची शक्यता; सरकारकडून सबसिडी देण्याची तयारी

दिल्ली मध्ये येत्या एप्रिलपासून वीजदर वाढण्याची शक्यता व्यक्त करण्यात येत आहे. दिल्ली सरकार कडून वीज वितरण कंपन्यांचे सुमारे 38,000 कोटी रुपयांहून अधिक थकीत देयकांचा भरणा करण्याची तयारी सुरू असल्याने दरवाढ होण्याचा अंदाज आहे.

अधिकाऱ्यांनी दिलेल्या माहितीनुसार, नागरिकांवर याचा ताण कमी करण्यासाठी सरकार दरवाढीवर सबसिडी देण्याची योजना आखत आहे.

दरम्यान, सुप्रीम कोर्ट ने मागील वर्षी ऑगस्टमध्ये आदेश देत बीआरपीएल, बीवाईपीएल आणि टीपीडीडीएल या तीन खासगी वीज वितरण कंपन्यांना सात वर्षांच्या कालावधीत 27,200 कोटी रुपयांच्या नियामक मालमत्तेचा (Regulatory Assets) भरणा करण्याचे निर्देश दिले होते.

नियामक मालमत्ता म्हणजे भविष्यात वसूल होण्याची अपेक्षा असलेला खर्च होय. गेल्या दशकभरात आम आदमी पार्टी सरकारच्या काळात वीजदरात वाढ न झाल्याने ही थकबाकी मोठ्या प्रमाणात वाढल्याचे सांगितले जात आहे.

आता या पार्श्वभूमीवर वीजदर वाढीची शक्यता निर्माण झाली असून, सरकारच्या सबसिडी योजनेमुळे ग्राहकांना कितपत दिलासा मिळतो, हे पाहणे महत्त्वाचे ठरणार आहे.