अॅड. प्रशांत देशपांडे यांचा वाढदिवस जल्लोषात… मान्यवरांच्या उपस्थितीत भव्य अभिष्टचिंतन सोहळा

अमरावती शहरातील सुप्रसिद्ध अधिवक्ता आणि महानगरपालिकेचे स्वीकृत नगरसेवक अॅडव्होकेट प्रशांत देशपांडे यांच्या वाढदिवसानिमित्त आयोजित करण्यात आलेल्या भव्य अभिष्टचिंतन सोहळ्याला उत्स्फूर्त प्रतिसाद मिळाला. मित्रपरिवार आणि विविध सामाजिक संस्थांच्या संयुक्त विद्यमाने पार पडलेल्या या कार्यक्रमाने शहरात उत्साहाचे वातावरण निर्माण केले.

या विशेष सोहळ्याचे आयोजन आंबापेठ क्रीडा मंडळ, आझाद हिंद मंडळ, महाराष्ट्र धनुर्विद्या संघटना आणि अखिल भारतीय मराठी नाट्य परिषद यांच्या संयुक्त विद्यमाने करण्यात आले होते. कार्यक्रमाला शहरातील विविध क्षेत्रातील मान्यवर, सामाजिक कार्यकर्ते, तसेच अॅड. देशपांडे यांचे मित्रपरिवार आणि चाहते मोठ्या संख्येने उपस्थित होते.

या प्रसंगी भाजपा ग्रामीण अध्यक्ष रवीराज देशमुख, आमदार रवी राणा, सिटी न्यूजचे प्रबंध संपादक डॉ. चंदू सोजतीया, महानगरपालिकेचे स्थायी समिती सभापती अविनाश मार्डीकर, भाजपा नेते संजय तीरथकर, बादल कुलकर्णी, अॅडव्होकेट दीप मिश्रा यांच्यासह अनेक मान्यवरांनी उपस्थित राहून अॅड. प्रशांत देशपांडे यांना वाढदिवसाच्या शुभेच्छा दिल्या.

कार्यक्रमात नाट्य परिषदेचे कार्यकर्ते आणि बालकलाकारांनीही आपली उपस्थिती दर्शवत रंगत वाढवली. सोहळ्यात केक कटिंग करून वाढदिवस आनंदात साजरा करण्यात आला. उपस्थितांनी अॅड. देशपांडे यांच्या पुढील वाटचालीसाठी शुभेच्छा देत त्यांच्या कार्याचा गौरव केला.

“अशा उत्साहपूर्ण वातावरणात पार पडलेला हा सोहळा… अॅड. प्रशांत देशपांडे यांच्या लोकप्रियतेची साक्ष देणारा ठरला.”