“अमरावतीत राजकीय भूकंप! ‘अपघाताचा बनाव करून हत्येचा कट’ — माजी मंत्र्यावर गंभीर आरोप”

अमरावती | सिटी न्यूज ग्राउंड रिपोर्ट

अमरावती जिल्ह्यात राजकीय वर्तुळात खळबळ उडवणारी धक्कादायक घटना समोर आली आहे. आमदार प्रवीण तायडे यांचे चुलत भाऊ अभिजित दिगंबर तायडे यांनी चांदूर बाजार पोलीस ठाण्यात गंभीर तक्रार दाखल केली असून, या तक्रारीत माजी मंत्री बच्चू कडू आणि त्यांच्या काही साथीदारांवर अपघाताचा बनाव करून हत्या करण्याचा कट रचल्याचा आरोप करण्यात आला आहे.

तक्रारीनुसार, डिसेंबर महिन्यात कुरळपूर्णा येथील निवासस्थानी या कथित कटाची चर्चा झाली होती. या प्रकरणातील सर्वात धक्कादायक बाब म्हणजे, या संभाषणाचे गुप्त ऑडिओ रेकॉर्डिंग एका साक्षीदाराने मोबाईलमध्ये कैद केल्याचा दावा करण्यात आला आहे.

🎙️ ऑडिओ रेकॉर्डिंगमुळे प्रकरण गंभीर:
पोलिसांनी संबंधित ऑडिओ रेकॉर्डिंगची प्राथमिक तपासणी केली असता काही बाबी संशयास्पद आढळल्याची माहिती समोर येत आहे. त्यामुळे या प्रकरणाला अधिक गांभीर्य प्राप्त झाले आहे.

यानंतर चांदूर बाजार पोलीस ठाण्यात गुन्हा दाखल करण्यात आला असून, या प्रकरणात बच्चू कडू, तसेच शुभम उर्फ गोलू माहोरे आणि इतरांविरोधात विविध कलमांखाली कारवाई करण्यात आली आहे.

⚠️ राजकीय वातावरण तापले:
या घटनेमुळे अमरावती जिल्ह्यातील राजकीय वातावरण चांगलंच तापलं असून आरोप-प्रत्यारोपांना उधाण आले आहे.

❗ मोठा प्रश्न:
👉 या प्रकरणात पुढे काय उघड होणार?
👉 आरोपांमागचं सत्य काय आहे?

राजकारणात आरोप-प्रत्यारोप नवीन नसले तरी, इतके गंभीर आरोप समोर आल्याने सखोल आणि निष्पक्ष चौकशी होणे अत्यंत गरजेचे आहे.

या प्रकरणातील सत्य काय आहे, हे येणाऱ्या तपासातूनच स्पष्ट होणार आहे.

📺 अशाच धक्कादायक आणि एक्सक्लुझिव्ह बातम्यांसाठी पाहत राहा – सिटी न्यूज