जानेवारी, 2026 पासून सुरू झालेल्या इग्नो अभ्यासक्रमांसाठी दि. 15 फेब्राुवारी 2026 पर्यंत मुदतवाढ
अनुसुचित जाती/ जमाती वर्गवारीतील विद्याथ्र्यांना बी.ए.,बी.कॉम.बी.एस्सी. अभ्यासक्रमाच्या प्रवेश शुल्कामध्ये 50 टक्के फी सवलत
अमरावती – (दि. 04/02/2026) : – इंदिरा गांधी राष्ट्रीय मुक्त विद्यापीठ, नवी दिल्लीच्या अमरावती येथील अभ्यास केंद्राअंतर्गत जानेवारी, 2026 पासून सुरू झालेल्या सत्रातील एम.ए. (इंग्रजी, हिंदी, राज्यशास्त्र, इतिहास, समाजशास्त्र, अर्थशास्त्र, लोकप्रशासन, ग्रामीण विकास, दूरशिक्षण, तत्वज्ञान), एम.कॉम. एम.बी.ए., (फायनान्स, ह्रुमन रिसोर्स, मार्केटिंग, ऑपरेशन, सर्वीस मॅनेजमेंट प्रवेश परीक्षेशिवाय), बी.ए., बी.कॉम.सामान्य, बी.ए.टुरिझम, बी.ए.ऑनर्स (अर्थशास्त्र, इतिहास, राज्यशास्त्र, मानसशास्त्र, लोकप्रशासन, समाजशास्त्र, इंग्रजी, हिंदी), बी.कॉम. (लेखा व वित्त), पदव्युत्तर पदविका (ग्रामीण विकास, इंटरनॅशनल बिझिनेस ऑपरेशन, अॅग्री बिझिनेस, ह्रुमन रिसोर्स मॅनेजमेंट, फायनान्सीयल मॅनेजमेंट, ऑपरेशन्स मॅनेजमेंट आणि मार्केटिंग मॅनेजमेंट), डिप्लोमा (पर्यटन, एचआयव्ही अँड फॅमिली एज्युकेशन), सर्टिफिकेट (आपत्ती व्यवस्थापन, फुड अॅन्ड न्युट्रीशन, ह्रुमन राईट्स, गायडन्स, न्यु्ट्रीशन अॅन्ड चाईल्ड केअर, कंझुमर प्रोटेक्शन, फक्शनल इंग्रजी, ग्रामीण विकास, टिचींग ऑफ इंग्लीश, टुरिझम, एचआयव्ही अँड फॅमिली एज्युकेशन) इत्यादी अभ्यासक्रमांकरिता प्रवेश घेण्यास दि.15 फेब्राुवारी, 2026 पर्यंत मुदतवाढ देण्यात आलेली आहे.
नोकरी, व्यवसाय, घरकाम इत्यादीमुळे नियमित शिक्षणासाठी इग्नोने मुक्त व दूरस्थ शिक्षणाची सुविधा उपलब्ध करून दिली आहे. विद्यार्थी पात्रतेनुसार प्रमाणपत्र, पदविका, पदवी आणि पदव्युत्तर पदवी अभ्यासक्रम निवडू शकतात. युजीसीच्या मार्गदर्शक तत्तवानुसार विद्यार्थी एकाच वेळी दोन अभ्यासक्रम (उदा.एक पदविका व एक पदवी) घेऊ शकतात. इग्नूचे स्वयं-अध्ययन साहित्य,. अध्ययन पद्धती, तांत्रिक सुविधा, घरपोच साहित्य वितरण आणि विद्यार्थी सहाय्य सेवा यामुळे हे शिक्षण अधिक सुलभ होते. परीक्षा भारतातील कोणत्याही इग्नू परीक्षा केंद्रावर देता येते.
अनुसुचित जाती/ जमाती वर्गवारीतील ज्यांच्या पालकांचे वार्षिक उत्पन्न रू.2.5 लाखांपेक्षा कमी आहे, अशा विद्याथ्र्यांना बी.ए.,बी.कॉम.बी.एस्सी. अभ्यासक्रमाच्या प्रवेश शुल्कामध्ये 50 टक्के फी सवलत देण्यात येत आहे.
इच्छुकांनी इग्नोच्या www.ignou.ac.in वेबसाईटवरून तसेच https://ignouadmission.samarth.edu.in/ ह्रा लिंकवरून अर्ज सादर करावेत. प्रवेश शुल्क इंटरनेट बँकींग/डेबीट/क्रेडीट/एटीएम कार्डद्वारे भरता येईल. सविस्तर माहितीपुस्तिका व ऑनलाईन अर्ज कसा सादर करावा याबाबतची माहिती इग्नोचे उपरोक्त वेबसाईटवर उपलब्ध आहे.
अधिक माहितीकरिता इच्छुकांनी इग्नोचे अभ्यासकेंद्र, मुलींचे वसतीगृहाजवळ, संत गाडगे बाबा अमरावती विद्यापीठ परिसर येथे सकाळी 8.30 ते 10.30 या वेळात संपर्क साधावा असे डॉ.वर्षा नाठार, समन्वयक, इग्नो अभ्यासकेंद्र, अमरावती यांनी कळविले आहे.
