नागपूरत उधारीच्या वादातून तरुणाचा दगडाने खून; दोन आरोपी ताब्यात

नागपूर — कळमना पोलिस स्टेशन हद्दीत उधारीच्या पैशावरून एक धक्कादायक खून प्रकरण समोर आले आहे. भरतवाडा येथील युवराजस्वामी आरामशिन येथे काम करणाऱ्या महेश लतेलुराम डहारे याच्यावर दोन आरोपींनी संगणमत करून महेशच्या डोक्यावर मोठ्या दगडाने वार केला, ज्यामुळे तो गंभीर जखमी झाला.

गंभीर जखमी अवस्थेत महेशला हॉस्पिटलमध्ये दाखल

जखमी अवस्थेत महेशला तात्काळ मेयो हॉस्पिटलमध्ये दाखल करण्यात आले, मात्र डॉक्टरांनी तपासून त्याला मृत घोषित केले.

आरोपी आणि प्राथमिक माहिती

या प्रकरणातील आरोपींची नावे पुढीलप्रमाणे आहेत:
1️⃣ चंद्रेश उर्फ राणु वर्मा (२५)
2️⃣ रितीक नंदेश्वर (२५)

दोघेही नागपूरच्या चिखली झोपडपट्टी येथे राहतात. प्राथमिक तपासात उधारीच्या पैशांच्या वादामुळे हा प्राणघातक हल्ला घडल्याचे समोर आले आहे.

कायदेशीर कारवाई

महेशच्या भावाने धर्मेंद्र डहारे यांनी कळमना पोलिस स्टेशनमध्ये तक्रार दाखल केली. पोलिस उपनिरीक्षक गजानन राऊत यांच्या मार्गदर्शनाखाली आरोपींविरुद्ध कलम 103(1), 3(5) भा.न्या.सं. अंतर्गत गुन्हा नोंदवण्यात आला असून पुढील तपास सुरू आहे.

कळमना परिसरातील रहिवाशांमध्ये या घटनेमुळे मोठा खळबळ उडाली असून पोलिस कारवाईस सर्वत्र लक्ष ठेवले जात आहे.