भारताच्या सार्वजनिक क्षेत्रातील तेल कंपन्यांनी अमेरिकेच्या गल्फ कोस्ट येथून द्रवरूप पेट्रोलियम वायू (LPG) आयात करण्यासाठी ऐतिहासिक असा एका वर्षाचा करार केला असल्याची माहिती केंद्रीय पेट्रोलियम व नैसर्गिक वायू मंत्री हरदीपसिंग पुरी यांनी सोमवारी दिली.
X वर पोस्ट करताना पुरी यांनी सांगितले की भारत २०२६ या करार वर्षात सुमारे २.२ दशलक्ष टन (MTPA) LPG अमेरिकेच्या गल्फ कोस्ट क्षेत्रातून आयात करणार आहे. हा करार “भारतीय बाजारासाठी अमेरिकन LPG चा पहिलाच संरचित करार” असल्याचेही त्यांनी स्पष्ट केले.
या करारामुळे भारताची ऊर्जा सुरक्षितता अधिक मजबूत होण्याची आणि LPG पुरवठा विविधीकरणाचा मार्ग मोकळा होण्याची अपेक्षा आहे.
