Asia Cup 2025 India Squad : टीम इंडियाच्या सिलेक्शनमध्ये मोठा ट्विस्ट, हार्दिक पांड्या अजून वेटिंगवर, तर श्रेयस अय्यरला खुशखबर, पण सूर्या दादाबाबत सस्पेन्स
Asia Cup 2025 Team India Squad : आशिया कप 2025 सुरू होण्यास आता फक्त एक महिना उरला आहे. ज्यामुळे भारतीय संघ जोरदार तयारीला लागला आहे.
Team India Squad For Asia Cup 2025 : आशिया कप 2025 सुरू होण्यास आता फक्त एक महिना उरला आहे. ज्यामुळे भारतीय संघ जोरदार तयारीला लागला आहे. मात्र, या मोठ्या स्पर्धेपूर्वी भारतीय क्रिकेट कंट्रोल बोर्ड (BCCI) आणि टीम व्यवस्थापन फक्त नेट प्रॅक्टिस आणि खेळाच्या रणनीतीवरच नव्हे, तर खेळाडूंच्या फिटनेस रिपोर्टवरही विशेष लक्ष ठेवत आहे. हार्दिक पांड्या, श्रेयस अय्यर आणि सूर्यकुमार यादवसारख्या महत्वाच्या खेळाडूंची फिटनेस टीमच्या संतुलन आणि सामन्यातील भूमिका ठरवण्यात निर्णायक ठरणार आहे.
श्रेयस अय्यर फिटनेस टेस्ट पास….
तर, श्रेयस अय्यरने (Shreyas Iyer Fitness Update) आपला फिटनेस टेस्ट यशस्वीपणे पूर्ण केला आहे. 27 ते 29 जुलै दरम्यान झालेल्या या परीक्षेत त्याने चांगली कामगिरी केली असून, त्यामुळे त्याच्या फॅन्सला मोठा दिलासा मिळाला आहे. गेल्या वर्षी तो टी-20 आंतरराष्ट्रीय सामन्यात खेळला नसला तरी आयपीएल आणि देशांतर्गत क्रिकेटमधील दमदार कामगिरीमुळे त्याच्या आशिया कप संघात परत येण्याच्या शक्यता वाढल्या आहेत.
हार्दिक पांड्यासाठी पुढील 48 तास अत्यंत महत्वाचे
हार्दिक पांड्यासाठी (Hardik Pandya Fitness Update) पुढील 48 तास अत्यंत महत्वाचे आहेत. त्याचा फिटनेस टेस्ट 11 आणि 12 ऑगस्ट रोजी NCA, बंगळुरूमध्ये होणार आहे. हार्दिक आधीच NCA मध्ये दाखल झाला असून त्याने सोशल मीडियावरही काही फोटो पोस्ट करत ही माहिती दिली आहे. आता पाहावे लागेल की ते या टेस्टमध्ये पास होतात की नाहीत.
टीम इंडियाचा टी-20 कर्णधार सूर्यकुमार यादवबाबत सस्पेन्स
टीम इंडियाचा टी-20 कर्णधार सूर्यकुमार यादव (Suryakumar Yadav Fitness Update) अजूनही पुनरावृत्तीच्या प्रक्रियेत आहेत. जून महिन्याच्या सुरुवातीस त्याची हरनियाचा शस्त्रक्रिया झाली होती, तो सध्या पूर्णपणे फिट नाहीत आणि त्याला सुमारे आणखी एक आठवडा उपचार आणि पुनर्वसनासाठी लागेल. सध्या तो NCA मधील वैद्यकीय आणि फिजिओथेरपी टीमच्या देखरेखीखाली आहेत.
आशिया कप 2025 ची सुरुवात 9 सप्टेंबरपासून युएईत होणार असून ही स्पर्धा 21 दिवस चालेल. टीम इंडियाच्या अंतिम संघाची घोषणा फिटनेस टेस्टचे निकाल येताच केली जाईल. सध्या चाहत्यांच्या नजरा या फिटनेस रिपोर्ट्सवर टिकलेले आहेत.
