नागपूरमध्ये कामगारांचा उद्रेक! NMC वर शिवसेनेचा मोर्चा, भांडेवाडी प्लांट बंद

नागपूरमध्ये पुन्हा एकदा कामगारांचा संताप रस्त्यावर उतरला आहे. शिवसेना (बाळासाहेब ठाकरे गट) आक्रमक होत थेट महानगरपालिकेवर धडक मोर्चा काढत प्रशासनाला इशारा दिला आहे.

भांडेवाडी येथील जिग्मा बायोमिनिंग प्लांटमध्ये काम करणाऱ्या कामगारांनी गंभीर आरोप करत परिस्थिती उघड केली आहे. कामगारांच्या म्हणण्यानुसार, अत्यल्प वेतनावर तब्बल १२ तास काम करण्यास भाग पाडले जात आहे. याशिवाय, कामाच्या ठिकाणी सुरक्षा उपायांचा अभाव असल्याने अनेक भीषण अपघात घडल्याचा दावा करण्यात आला आहे. काही कामगारांचे हात कापले गेले, तर काहींनी दृष्टी गमावल्याचेही समोर आले आहे.

👉 धक्कादायक बाब म्हणजे, या अन्यायाविरोधात आवाज उठवणाऱ्या कामगारांवर तक्रार मागे घेण्यासाठी दबाव टाकला जात असल्याचा आरोप आहे.
👉 स्थानिक भूमिपुत्र कामगारांना कामावरून कमी केल्याचाही मुद्दा पुढे आला आहे.

या पार्श्वभूमीवर शिवसेनेने मोर्चा काढत प्रशासनाला धारेवर धरले. दरम्यान, भांडेवाडी येथील प्लांट मागील दोन दिवसांपासून पूर्णपणे बंद असून कामगारांनी संप पुकारला आहे.

कामगारांनी NMC चे अधिकारी श्वेता बॅनर्जी आणि राजेश दुपारे यांच्यावरही दुर्लक्षाचा ठपका ठेवत कंपनी व्यवस्थापनावर अरेरावीचे आरोप केले आहेत.

👉 आता सर्वात मोठा प्रश्न —
महानगरपालिका प्रशासन या गंभीर प्रश्नावर तातडीने तोडगा काढणार का?
की आंदोलन आणखी तीव्र होणार?

“कमी वेतन, जादा कामाचे तास आणि असुरक्षित वातावरण… कामगारांचा लढा आता निर्णायक टप्प्यात पोहोचला आहे.”