राष्ट्रसंत तुकडोजी महाराजांना मरणोत्तर भारतरत्न द्या

तिवसा तहसील कार्यालयासमोर गुरुदेव भक्तांचे पाच दिवसांपासून आमरण उपोषण; खासदार बळवंत वानखडे यांची लोकसभा अध्यक्ष ओम बिर्ला यांच्याकडे मागणी

अमरावती | प्रतिनिधी

राष्ट्रसंत तुकडोजी महाराजांना मरणोत्तर भारतरत्न पुरस्कार देण्यात यावा, या मागणीने आता जोर धरला आहे. तिवसा तहसील कार्यालयासमोर गुरुदेव भक्तांकडून गेल्या पाच दिवसांपासून बेमुदत आमरण उपोषण सुरू आहे. दरम्यान, अमरावतीचे काँग्रेस खासदार बळवंत वानखडे यांनी दिल्ली येथे लोकसभा अध्यक्ष ओम बिर्ला यांची भेट घेऊन तुकडोजी महाराजांना भारतरत्न देण्याची मागणी करणारे निवेदन साद केले.

तिवसा तहसील कार्यालयासमोर उपोषण

राष्ट्रसंत तुकडोजी महाराजांचे सामाजिक, आध्यात्मिक आणि राष्ट्रनिर्माणातील योगदान लक्षात घेता त्यांना देशाचा सर्वोच्च नागरी सन्मान मिळावा, या मागणीसाठी गुरुदेव भक्तांनी तिवसा येथे आंदोलन सुरू केले आहे.

तिवसा तहसील कार्यालयासमोर गेल्या पाच दिवसांपासून बेमुदत आमरण उपोषण सुरू असून, मागणी मान्य करण्यासाठी आंदोलकांकडून प्रशासनाचे लक्ष वेधले जात आहे.

काही आंदोलकांची प्रकृती खालावली

सलग पाच दिवस आमरण उपोषण सुरू असल्याने काही उपोषणकर्त्यांची प्रकृती खालावल्याची माहिती समोर आली आहे. त्यामुळे आंदोलनाचा प्रश्न आता अधिक गंभीर बनला आहे.

आंदोलकांच्या प्रकृतीकडे प्रशासनाने लक्ष देण्याची गरज असून, मागणीवर सरकार आणि प्रशासन कोणती भूमिका घेतात, याकडे सर्वांचे लक्ष लागले आहे.

खासदार वानखडे यांची दिल्लीत भेट

दरम्यान, अमरावतीचे खासदार बळवंत वानखडे यांनी दिल्ली येथे लोकसभा अध्यक्ष ओम बिर्ला यांची भेट घेतली. यावेळी त्यांनी राष्ट्रसंत तुकडोजी महाराजांना मरणोत्तर भारतरत्न पुरस्कार देण्यात यावा, अशी मागणी करणारे निवेदन साद केले.

तुकडोजी महाराजांनी सामाजिक प्रबोधन, ग्रामविकास, अध्यात्म आणि राष्ट्रनिर्माणासाठी केलेले कार्य लक्षात घेता त्यांना भारतरत्न मिळणे योग्य ठरेल, अशी भूमिका खासदार वानखडे यांनी मांडली.

आंदोलनाकडे जिल्ह्याचे लक्ष

खासदार वानखडे दिल्लीहून अमरावती जिल्ह्यात परतल्यानंतर उपोषणस्थळी जाऊन आंदोलकांची भेट घेणार असल्याची माहिती आहे.

एका बाजूला तिवसा येथे पाच दिवसांपासून सुरू असलेले आमरण उपोषण आणि दुसऱ्या बाजूला दिल्लीमध्ये खासदारांकडून मांडण्यात आलेली भारतरत्नाची मागणी, यामुळे या विषयाला आता व्यापक स्वरूप आले आहे.

राष्ट्रसंत तुकडोजी महाराजांना भारतरत्न देण्याच्या मागणीवर सरकार काय निर्णय घेते, तसेच उपोषणकर्त्यांशी प्रशासनाची चर्चा कधी आणि कशी होते, याकडे तिवसा, अमरावतीसह संपूर्ण विदर्भाचे लक्ष लागले आहे.