नागपूरच्या मानेवाडा पोस्ट ऑफिसची धोकादायक इमारत जमीनदोस्त

कर्मचाऱ्यांना मोठा दिलासा; परिसर सुरक्षित करण्यासाठी टिनांचे पत्रे, वेणू कॉर्नरजवळ पर्यायी कार्यालयाची व्यवस्था

नागपूरच्या मानेवाडा रोडवरील धोकादायक पोस्ट ऑफिसच्या इमारतीचा प्रश्न अखेर मार्गी लागण्याच्या दिशेने महत्त्वाची कारवाई करण्यात आली आहे. या इमारतीच्या दयनीय अवस्थेमुळे जीव धोक्यात घालून काम करणाऱ्या कर्मचाऱ्यांचा प्रश्न CITY NEWS ने सातत्याने मांडला होता. या बातमीनंतर धोकादायक इमारत जमीनदोस्त करण्यात आली असून, कर्मचाऱ्यांसाठी पर्यायी कार्यालयाची व्यवस्थाही करण्यात आली आहे. त्यामुळे कर्मचाऱ्यांना मोठा दिलासा मिळाला आहे. पाहूया, नागपूर प्रतिनिधी रोहिणी सुखदेवे यांचा हा विशेष रिपोर्ट.

नागपूर : CITY NEWS च्या बातमीचा इम्पॅक्ट मानेवाडा रोडवरील पोस्ट ऑफिसच्या प्रकरणात पाहायला मिळत आहे. धोकादायक अवस्थेत असलेल्या पोस्ट ऑफिसच्या इमारतीचा प्रश्न CITY NEWS ने समोर आणल्यानंतर संबंधित ठिकाणी कारवाई करण्यात आली आहे. अखेर ही धोकादायक इमारत जमीनदोस्त करण्यात आल्याने येथे काम करणाऱ्या कर्मचाऱ्यांना मोठा दिलासा मिळाला आहे.

मानेवाडा रोडवरील पोस्ट ऑफिसच्या इमारतीची अवस्था दयनीय झाली होती. अशा परिस्थितीत कर्मचाऱ्यांना काम करावे लागत असल्याने त्यांच्या सुरक्षिततेचा प्रश्न निर्माण झाला होता. या गंभीर परिस्थितीकडे लक्ष वेधत CITY NEWS ने हा मुद्दा मांडला होता.

बातमीनंतर धोकादायक इमारत पाडण्याची कारवाई करण्यात आली. तसेच पोस्ट ऑफिसचा परिसर सुरक्षित ठेवण्यासाठी टिनांचे पत्रे लावण्यात आले आहेत. याशिवाय, पोस्ट ऑफिसच्या कर्मचाऱ्यांसाठी वेणू कॉर्नरजवळ पर्यायी कार्यालयाची व्यवस्था करण्यात आली आहे. त्यामुळे कर्मचाऱ्यांना तात्पुरता दिलासा मिळाला आहे.

मात्र, जुनी धोकादायक इमारत पाडल्यानंतरही या प्रश्नावर कायमस्वरूपी तोडगा निघणे आवश्यक आहे. संबंधित ठिकाणी नवीन आणि सुरक्षित पोस्ट ऑफिसची इमारत उभारण्याचे काम लवकर सुरू होणे गरजेचे आहे. नवीन इमारतीचे बांधकाम कधी सुरू होणार, याकडे आता नागरिकांसह पोस्ट ऑफिसच्या कर्मचाऱ्यांचे लक्ष लागले आहे.

नागरिकांच्या आणि कर्मचाऱ्यांच्या सुरक्षिततेचा प्रश्न उपस्थित करत CITY NEWS ने मांडलेल्या बातमीनंतर झालेल्या या कारवाईमुळे दिलासा मिळाला असला, तरी नवीन इमारतीच्या उभारणीपर्यंत या प्रकरणाचा पाठपुरावा सुरू राहणार आहे.

CITY NEWS च्या बातमीनंतर मानेवाडा पोस्ट ऑफिसच्या धोकादायक इमारतीवर कारवाई झाली असून, कर्मचाऱ्यांसाठी पर्यायी कार्यालयाची व्यवस्थाही करण्यात आली आहे. मात्र, केवळ जुनी इमारत पाडून प्रश्न सुटणार नाही, तर येथे नवीन आणि सुरक्षित पोस्ट ऑफिसची इमारत उभारण्याचे कामही लवकर सुरू होणे गरजेचे आहे. या कामाला कधी सुरुवात होते, यावर CITY NEWS ची नजर कायम राहणार आहे.