संसद मार्ग पोलीस ठाण्याबाहेर कॉकरोच जनता पार्टीच्या कार्यकर्त्यांची गर्दी; आंदोलकांना जंतर-मंतरकडे जाण्याचे पोलिसांचे निर्देश
नवी दिल्ली : राजधानी दिल्लीतील संसद मार्ग पोलीस ठाण्याबाहेर कॉकरोच जनता पार्टीच्या कार्यकर्त्यांनी जमण्यास सुरुवात केली असून परिसरात तणावपूर्ण वातावरण निर्माण झाले आहे. वाढती गर्दी लक्षात घेता दिल्ली पोलिसांनी कायदा व सुव्यवस्था राखण्यासाठी विशेष खबरदारी घेतली आहे.
मिळालेल्या माहितीनुसार, विविध मागण्यांसाठी कॉकरोच जनता पार्टीचे कार्यकर्ते संसद मार्ग पोलीस ठाण्याबाहेर एकत्र येत आहेत. परिस्थिती नियंत्रणात ठेवण्यासाठी दिल्ली पोलिसांनी सर्व आंदोलकांना जंतर-मंतर येथे जाण्याचे निर्देश दिले आहेत.
दरम्यान, पोलिसांकडून सतत उद्घोषणा करून आंदोलकांना शांतता राखण्याचे आणि प्रशासनाच्या सूचनांचे पालन करण्याचे आवाहन करण्यात येत आहे. कोणताही अनुचित प्रकार घडू नये यासाठी परिसरात अतिरिक्त पोलीस बंदोबस्त तैनात करण्यात आला आहे.
संसद मार्ग परिसर हा संवेदनशील भाग मानला जात असल्याने पोलिसांकडून प्रत्येक हालचालीवर बारकाईने लक्ष ठेवले जात आहे. आंदोलकांना नियोजित आंदोलनस्थळी हलविण्याची प्रक्रिया सुरू असून परिस्थिती सध्या नियंत्रणात असल्याची माहिती पोलिस सूत्रांनी दिली आहे.
कायदा व सुव्यवस्था अबाधित राखण्यासाठी दिल्ली पोलीस प्रशासन सतर्क असून पुढील घडामोडींवर सर्वांचे लक्ष लागले आहे.
