अमरावतीत ‘एक हात मदतीचा’ उपक्रम; रविभाऊ राणा यांच्या वाढदिवसानिमित्त गरजू रुग्णांना मदतीचा हात
अमरावतीत सामाजिक बांधिलकीचा एक प्रेरणादायी उपक्रम पाहायला मिळाला. बडनेरा विधानसभा मतदारसंघाचे आमदार रविभाऊ राणा यांच्या वाढदिवसानिमित्त युवा स्वाभिमान पक्ष आणि बबलू दादा आठवले मित्र परिवारातर्फे “एक हात मदतीचा” हा समाजोपयोगी उपक्रम राबविण्यात आला. या उपक्रमातून जिल्हा सामान्य रुग्णालयातील गरजू रुग्णांना आर्थिक मदत आणि फळांचे वाटप करण्यात आले.
अमरावतीच्या जिल्हा सामान्य रुग्णालयातील लहान मुलांच्या वार्डामध्ये आज एक वेगळंच आणि संवेदनशील सामाजिक चित्र पाहायला मिळालं. आमदार रविभाऊ राणा यांच्या वाढदिवसानिमित्त युवा स्वाभिमान पक्ष आणि बबलू दादा आठवले मित्र परिवाराने रुग्णसेवेला प्राधान्य देत “एक हात मदतीचा” हा उपक्रम आयोजित केला.
या उपक्रमाअंतर्गत ग्रामीण भागातून उपचारासाठी आलेल्या गरजू रुग्णांना आर्थिक सहाय्य करण्यात आले. तसेच रुग्णालयातील लहान मुलांना फळांचे वाटप करून त्यांच्या आरोग्याची काळजी घेण्याचा आणि पोषणाचा संदेशही देण्यात आला.
विशेष म्हणजे, धारणीसारख्या दुर्गम आदिवासी भागातून उपचारासाठी अमरावतीत येणाऱ्या रुग्णांना मोठ्या आर्थिक अडचणींचा सामना करावा लागतो. प्रवास खर्च, औषधे, तपासण्या, तसेच लहान मुलांसाठी दूध आणि इतर आवश्यक वस्तू खरेदी करणे अनेक कुटुंबांसाठी कठीण ठरते. अशा परिस्थितीत या उपक्रमातून मिळालेली आर्थिक मदत गरजू रुग्णांसाठी मोठा दिलासा ठरणार आहे.
या उपक्रमामुळे केवळ आर्थिक मदतच मिळाली नाही, तर समाजातील संवेदनशीलता, माणुसकी आणि सामाजिक जबाबदारीचेही सुंदर दर्शन घडले. रुग्णांच्या नातेवाईकांनी या मदतीबद्दल समाधान व्यक्त करत आयोजकांचे आभार मानले.
रुग्णालयातील उपस्थितांनीही या उपक्रमाचे मनापासून कौतुक केले. वाढदिवस साजरा करण्याचा समाजोपयोगी आणि संवेदनशील दृष्टिकोन म्हणून या उपक्रमाकडे पाहिले जात आहे.
आमदार रविभाऊ राणा यांच्या वाढदिवसानिमित्त राबविण्यात आलेल्या “एक हात मदतीचा” या उपक्रमाने सामाजिक जबाबदारीची जाणीव अधिक दृढ केली आहे. अशा उपक्रमांमधून समाजात सकारात्मकता आणि सेवाभाव वाढण्यास निश्चितच मदत होते.
