रामनवमी मिरवणुकीदरम्यान बंगालमध्ये हिंसक झडपा; 31 जण अटकेत, 21 जखमी

कोलकाता : पश्चिम बंगालमधील मुर्शिदाबाद जिल्ह्यातील जंगीपूर परिसरात रामनवमी मिरवणुकीदरम्यान झालेल्या हिंसक झडपांप्रकरणी पोलिसांनी 31 जणांना अटक केली असून 21 जण जखमी झाल्याची माहिती समोर आली आहे.

घटनेनंतर दोन दिवसांनी सध्या परिसरातील परिस्थिती नियंत्रणात असून शांतता प्रस्थापित झाल्याचे पोलिसांनी सांगितले. कायदा आणि सुव्यवस्था राखण्यासाठी भारतीय न्याय संहितेच्या कलम 163 अंतर्गत प्रतिबंधात्मक आदेश लागू करण्यात आले आहेत.

पोलिसांकडून परिस्थितीवर बारकाईने लक्ष ठेवले जात असून, कोणताही अनुचित प्रकार घडू नये यासाठी परिसरात कडक बंदोबस्त ठेवण्यात आला आहे. या प्रकरणी पुढील तपास सुरू आहे.