नागपूर – नागपूरत काँग्रेस नेते विजय वडेट्टीवार यांच्या नेतृत्वात ओबीसी मोर्चा काढण्यात आला. राज्य सरकारने मराठा आरक्षणासाठी काढलेला जीआर हा ओबीसींसाठी अन्यायकारक असल्याचे सांगत हजारो ओबीसी बांधव नागपूरकडे निघाले आहेत. विदर्भातील तसेच राज्याच्या विविध कोपऱ्यातील ओबीसी समाजाचे लोक या मोर्चात सहभागी होत आहेत. भंडाऱ्याहूनही हजारो सकल ओबीसी बांधव मोर्चात सामील झाले आहेत.
मोर्च्यात सहभागी लोक ‘ओबीसी एकता जिंदाबाद’, ‘राज्य सरकारने काढलेला जीआर रद्द करावा’ अशा घोषणांवर जोर देत आहेत.
ओबीसी बांधवांचा असा मोठा मोर्चा नागपूरच्या रस्त्यांवर शांततामय आणि संघटित पद्धतीने निघत आहे. हा मोर्चा राज्य सरकारकडे त्यांच्या मागण्यांचे गंभीर लक्ष वेधण्याचा प्रयत्न करत आहे. मोर्च्यात सहभागी लोकांचा असा विश्वास आहे की, मराठ्यांना ओबीसीतून आरक्षण मिळाल्यास भविष्यात प्रत्येक क्षेत्रात अन्याय आणि अडचणी निर्माण होऊ शकतात. त्यामुळे राज्य सरकारने हे जीआर रद्द करून ओबीसींवर होणारा अन्याय दूर करावा, हीच या मोर्च्याची मुख्य मागणी आहे. नागपूर शहरातील रस्ते आणि चौक ओबीसी समाजाच्या ऐक्याची साक्षी देत आहेत. मोर्च्यात सहभागी हजारो लोकांच्या घोषणांमुळे नागपूरमधील वातावरण उत्साहपूर्ण आणि संघटित आहे. ओबीसी समाजाचे हे ऐक्य आणि संघटन भविष्यातील आरक्षणाच्या निर्णयांवर सरकारकडे दबाव आणण्याचा प्रयत्न ठरवेल, असे राजकीय विश्लेषक सांगतात.
