इराण-इस्रायल युद्ध भडकले; तेहरानवर इस्रायलची भीषण बॉम्बहल्ले, दुबई-कतारवर इराणी क्षेपणास्त्रांचा मारा
मध्य पूर्व :
इस्रायल आणि इराण यांच्यातील संघर्ष अधिक तीव्र झाला असून दोन्ही देशांकडून मोठ्या प्रमाणावर हल्ले सुरू असल्याची माहिती समोर येत आहे. या वाढत्या संघर्षामुळे संपूर्ण मध्य पूर्वेत तणावाचे वातावरण निर्माण झाले आहे.
मिळालेल्या माहितीनुसार, इस्रायलने इराणची राजधानी तेहरान येथील सुरक्षा मुख्यालये आणि क्षेपणास्त्र तळांवर जोरदार बॉम्बहल्ले केल्याचा दावा केला आहे. या हल्ल्यांमुळे इराणी लष्करी संरचनेला मोठा धक्का बसल्याचे सांगितले जात आहे.
याच्या प्रत्युत्तरात इराणने दुबई आणि कतार येथे असलेल्या अमेरिकन लष्करी तळांवर बॅलिस्टिक क्षेपणास्त्र डागल्याची माहिती आहे. तसेच कुवैत येथे मोठ्या ड्रोन हल्ल्यांचा इशारा देत धोक्याचे सायरन वाजत असल्याचे वृत्त आहे.
दरम्यान, इराणचे सर्वोच्च नेते अयातोल्ला अली खामेनेई यांच्या अंत्यसंस्काराच्या पार्श्वभूमीवर इस्रायलने त्यांच्या संभाव्य उत्तराधिकाऱ्यालाही लक्ष्य करण्याची धमकी दिल्याची चर्चा आहे. या घडामोडींमुळे तणाव आणखी वाढण्याची भीती व्यक्त केली जात आहे.
तज्ज्ञांच्या मते, हा संघर्ष आणखी वाढल्यास जागतिक तेलपुरवठा, आंतरराष्ट्रीय व्यापार आणि प्रादेशिक सुरक्षेवर गंभीर परिणाम होऊ शकतो.
इराण-इस्रायल संघर्षामुळे मध्य पूर्वेतील परिस्थिती अतिशय तणावपूर्ण बनली आहे. पुढील काही तास आणि दिवस अत्यंत निर्णायक ठरणार असून आंतरराष्ट्रीय समुदायाचे लक्ष या घडामोडींवर केंद्रित झाले आहे.
