धारणी – धारणी तालुक्यातील लवादा गावाजवळ बुधवारी अचानक एक अस्वल दिसल्याची घटना समोर आली. आमच्या प्रतिनिधींना हरीसाल बाजारातून परत येताना मुख्य रोडवर बसलेला अस्वल दिसला. घटनेच्या वेळेस स्थानिक मोटरसायकलस्वारांनीही थांबून हा दृश्य पाहण्याचा प्रयत्न केला. आमच्या प्रतिनिधींनी मोबाईल कॅमेऱ्याद्वारे या अस्वलाचे दर्शन टिपले, परंतु काही वेळातच अस्वल जंगलाच्या दिशेने पळाले. ही घटना धारणी तालुक्याच्या मुख्यालयापासून सुमारे दहा किलोमीटर अंतरावर घडली. स्थानिक लोकांनी सांगितले की, या परिसरात मागील काही दिवसांपासून अस्वलांचे दर्शन होणे सुरू आहे. प्रशासनाने नागरिकांना सावधगिरी बाळगण्याचे आवाहन केले आहे. या द्रुतदर्शी प्राण्याने नागरिकांमध्ये भीती निर्माण केली असली, तरी निसर्गप्रेमींमध्ये अस्वलाला बघण्याची उत्सुकता देखील वाढली आहे.
