प्रभाग ३२ मध्ये ‘मिशन नाला सफाई’! पाच नाल्यांची स्वच्छता मोहीम सुरू
नागपूर : नागरिकांच्या आरोग्य आणि स्वच्छतेच्या दृष्टीने नागपूरच्या प्रभाग क्रमांक ३२ मध्ये ‘मिशन नाला सफाई’ला सुरुवात करण्यात आली आहे. नागरिकांकडून करण्यात आलेल्या तक्रारींची दखल घेत अग्निशमन व विद्युत समिती सभापती तथा नगरसेविका सौ. रूपाली परशु ठाकूर यांनी प्रत्यक्ष घटनास्थळी पोहोचून सुरू असलेल्या नालासफाईच्या कामाची पाहणी केली.
या स्वच्छता मोहिमेअंतर्गत प्रभागातील जांबुदीप नाला, महालक्ष्मी नगर नाला, लवकुश नगर नाला, अयोध्या नगर नाला आणि बजरंग नगर नाला, अशा पाच नाल्यांची साफसफाई करण्यात येत आहे.
नाल्यांमध्ये मोठ्या प्रमाणात साचलेला गाळ, कचरा आणि इतर घाण काढण्याचे काम सुरू करण्यात आले आहे. केवळ नाला साफ करून थांबू नये, तर बाहेर काढण्यात आलेला गाळ आणि कचरा तातडीने उचलण्यात यावा, अशा सूचनाही संबंधित कर्मचाऱ्यांना देण्यात आल्या आहेत.
पावसाळ्यात नाल्यांमध्ये कचरा आणि गाळ साचल्यामुळे पाण्याचा प्रवाह अडण्याची शक्यता असते. त्यामुळे नाल्यांची नियमित स्वच्छता आणि कचऱ्याची तातडीने विल्हेवाट लावणे नागरिकांच्या आरोग्याच्या दृष्टीने महत्त्वाचे ठरते.
नागरिकांच्या तक्रारींची दखल घेत प्रत्यक्ष पाहणी करून स्वच्छता मोहिमेला सुरुवात करण्यात आल्याने आता प्रभागातील नाल्यांची स्वच्छता कितपत प्रभावीपणे होते, याकडे नागरिकांचे लक्ष लागले आहे.
नागरिकांच्या तक्रारींवर तातडीने कार्यवाही करत सुरू करण्यात आलेल्या या स्वच्छता मोहिमेमुळे प्रभाग क्रमांक ३२ मधील स्वच्छतेला किती गती मिळते? पाहा, City News चा हा ग्राउंड रिपोर्ट.
