पेट्रोल-डिझेल महाग, पण सोने-चांदी स्वस्त! लग्नसराईत ग्राहकांसाठी सुवर्णसंधी
राज्यात पेट्रोल-डिझेलच्या सतत वाढणाऱ्या दरांमुळे सर्वसामान्य नागरिकांच्या खिशाला कात्री लागत असतानाच सराफा बाजारातून मात्र दिलासादायक बातमी समोर आली आहे. सोने आणि चांदीच्या किमतीत मोठी घसरण झाल्याने लग्नसराईच्या हंगामात खरेदीदारांमध्ये आनंदाचे वातावरण पाहायला मिळत आहे. विशेष म्हणजे, सोन्याचे दर तब्बल २२,४०० रुपयांनी घसरले असून चांदीही १०,००० रुपयांनी स्वस्त झाली आहे. त्यामुळे दागिने खरेदीसाठी ही मोठी संधी मानली जात आहे.
सराफा बाजारातील आकडेवारीनुसार, २४ कॅरेट सोन्याच्या दरात प्रति १० ग्रॅम २,२४० रुपयांची घसरण झाली आहे. तर १०० ग्रॅम सोन्यावर थेट २२,४०० रुपयांची कपात नोंदवण्यात आली आहे. २२ कॅरेट आणि १८ कॅरेट सोन्याच्या दरातही मोठी घसरण झाली असून ग्राहकांना मोठा दिलासा मिळाला आहे.
२४ कॅरेट सोन्याचे आजचे दर
- १ ग्रॅम: २२४ रुपयांनी स्वस्त
- ८ ग्रॅम: १,७९२ रुपयांनी स्वस्त
- १० ग्रॅम: २,२४० रुपयांनी स्वस्त
- १०० ग्रॅम: २२,४०० रुपयांनी स्वस्त
२२ कॅरेट सोन्याचे आजचे दर
- १ ग्रॅम: २०५ रुपयांनी स्वस्त
- ८ ग्रॅम: १,६४० रुपयांनी स्वस्त
- १० ग्रॅम: २,०५० रुपयांनी स्वस्त
- १०० ग्रॅम: २०,५०० रुपयांनी स्वस्त
१८ कॅरेट सोन्याचे आजचे दर
- १ ग्रॅम: १६८ रुपयांनी स्वस्त
- ८ ग्रॅम: १,३४४ रुपयांनी स्वस्त
- १० ग्रॅम: १,६८० रुपयांनी स्वस्त
- १०० ग्रॅम: १६,८०० रुपयांनी स्वस्त
दरम्यान, चांदीच्या दरातही मोठी घसरण झाली आहे. १० ग्रॅम चांदी १०० रुपयांनी, १०० ग्रॅम चांदी १,००० रुपयांनी, तर १ किलो चांदी तब्बल १०,००० रुपयांनी स्वस्त झाली आहे.
तज्ज्ञांच्या मते, आंतरराष्ट्रीय बाजारातील बदल, डॉलरची स्थिती आणि आर्थिक घडामोडींचा थेट परिणाम सराफा बाजारावर होत आहे. त्यामुळे पुढील काही दिवसांत सोने-चांदीच्या दरांमध्ये आणखी चढ-उतार होण्याची शक्यता व्यक्त केली जात आहे. लग्नसराईच्या पार्श्वभूमीवर ग्राहक मात्र या घसरणीचा फायदा घेत खरेदीकडे वळताना दिसत आहेत.
