आकाशातून विजेचा प्रहार! ट्रान्सफॉर्मर जळून खाक – खंडाळा देवी गाव अंधारात

बुलढाणा | प्रतिनिधी

बुलढाणा जिल्ह्यातील मेहकर तालुक्यातील खंडाळा देवी येथे निसर्गाच्या प्रचंड प्रकोपामुळे मोठी दुर्घटना घडली. वादळी वाऱ्यासह मुसळधार पाऊस आणि विजांच्या कडकडाटात गावातील ट्रान्सफॉर्मरवर थेट वीज कोसळून तो पूर्णपणे जळून खाक झाला.

मिळालेल्या माहितीनुसार, बुधवारी सायंकाळी साडेपाचच्या सुमारास अचानक हवामान बदलले. वादळ, पाऊस आणि विजांचा कडकडाट सुरू असतानाच महावितरणच्या डीपीवर विजेचा थेट प्रहार झाला.
👉 या जोरदार धडकेत ट्रान्सफॉर्मर पूर्णतः नष्ट झाला आणि संपूर्ण गावाचा वीजपुरवठा खंडित झाला.

👉 गाव २४ तास अंधारात
या घटनेमुळे खंडाळा देवी गावाला तब्बल २४ तास अंधारात राहावं लागलं. विशेष म्हणजे, त्या काळात गावात हनुमान जयंतीचे धार्मिक कार्यक्रम सुरू असल्याने ग्रामस्थांना मोठा त्रास सहन करावा लागला.

👉 सुदैवाने जीवितहानी टळली
या भीषण घटनेत कोणतीही जीवितहानी झाली नाही, ही दिलासादायक बाब आहे.

👉 प्रशासनाची तत्परता
घटनेची माहिती मिळताच गावाचे सरपंच रतन पाटील मानघाले यांनी तात्काळ पुढाकार घेत प्रशासनाशी संपर्क साधला.
महावितरणचे कर्मचारी संतोष देशमुख आणि त्यांच्या टीमने घटनास्थळी पोहोचून तातडीने दुरुस्तीचे काम सुरू केले.

👉 नवीन ट्रान्सफॉर्मर बसवला
गुरुवारी नवीन ट्रान्सफॉर्मर बसवण्यात आला आणि गावाचा वीजपुरवठा पुन्हा सुरळीत करण्यात आला. या जलद कार्यवाहीमुळे ग्रामस्थांनी समाधान व्यक्त करत संबंधितांचे आभार मानले.

❗ निसर्गाचा इशारा, सज्जतेची गरज

निसर्गाच्या प्रकोपाला कोणीही रोखू शकत नाही, मात्र अशा घटनांमध्ये प्रशासनाची तत्परता आणि तयारी किती महत्त्वाची आहे, हे पुन्हा एकदा अधोरेखित झालं आहे.

“सुदैवाने जीवितहानी टळली…
पण भविष्यात असे प्रसंग टाळण्यासाठी ठोस उपाययोजना करणं अत्यावश्यक आहे!”

📺 अशाच थेट, निर्भीड आणि विश्वासार्ह बातम्यांसाठी पाहत राहा – सिटी न्यूज