विधानसभा निवडणुका: पंतप्रधान नरेंद्र मोदी 3 व 4 एप्रिल रोजी चेन्नई व पुडुचेरी दौऱ्यावर

चेन्नई : आगामी विधानसभा निवडणुकांच्या पार्श्वभूमीवर पंतप्रधान नरेंद्र मोदी 3 आणि 4 एप्रिल रोजी चेन्नई आणि पुडुचेरी येथे प्रचारासाठी दौरा करणार आहेत. तामिळनाडू आणि केंद्रशासित प्रदेश पुडुचेरी येथे अनुक्रमे 23 एप्रिल आणि 9 एप्रिल रोजी मतदान होणार आहे.

मिळालेल्या माहितीनुसार, पंतप्रधान मोदी 3 एप्रिल रोजी दुपारी चेन्नई विमानतळावर पोहोचतील. त्यानंतर ते पुडुचेरीकडे रवाना होऊन सायंकाळी जाहीर सभेला संबोधित करतील. या सभेत ते भाजप आणि मित्रपक्षांच्या उमेदवारांसाठी मतांची मागणी करणार आहेत. सभा संपल्यानंतर ते पुन्हा चेन्नईला परततील.

दरम्यान, या अतिमहत्त्वाच्या (VVIP) दौऱ्याच्या पार्श्वभूमीवर ग्रेटर चेन्नई सिटी पोलिसांकडून कडक सुरक्षा व्यवस्था आणि बंदोबस्त करण्यात येत आहे.