चेन्नईत चैन स्नॅचिंग प्रकरणी तिघांना अटक; रोख रक्कम व मुद्देमाल जप्त
चेन्नई, प्रतिनिधी :
चेन्नईतील वेस्ट मंबालम परिसरात घडलेल्या चैन स्नॅचिंग प्रकरणात अशोक नगर पोलिसांनी तिघांना अटक केली आहे. आरोपींकडून १.९१ लाख रुपये रोख रक्कम, एक दुचाकी आणि मोबाईल फोन जप्त करण्यात आला आहे.
पोलिसांनी दिलेल्या माहितीनुसार, राजेश कुमार (वय ४२) हे वेस्ट मंबालम येथील पोस्टल कॉलनी फर्स्ट स्ट्रीटमध्ये आपल्या ६३ वर्षीय आई तामिळसेल्वी यांच्यासोबत राहतात आणि एका खासगी आयटी कंपनीत कार्यरत आहेत.
१४ मार्च रोजी मंदिरातून परतल्यानंतर तामिळसेल्वी आपल्या घराच्या जिन्यावर चढत असताना एका अज्ञात व्यक्तीने त्यांच्या गळ्यातील सुमारे नऊ तोळ्यांची सोन्याची चैन हिसकावून घेतली आणि बाहेर थांबलेल्या दुचाकीवरून पसार झाला.
या प्रकरणी तक्रार दाखल झाल्यानंतर अशोक नगर पोलिसांनी तपास सुरू केला. तपासादरम्यान पोलिसांनी संशयितांचा शोध घेत तिघांना अटक केली. आरोपींकडून चोरीतील काही रक्कम, दुचाकी आणि मोबाईल जप्त करण्यात आला आहे.
चेन्नई पोलिसांच्या या कारवाईमुळे शहरातील चैन स्नॅचिंगच्या घटनांवर आळा बसण्याची अपेक्षा व्यक्त केली जात आहे. पुढील तपास सुरू आहे.
