8.37 ला Sick Leave चा मेसेज… 8.47 ला प्राण सोडला! हृदयद्रावक घटना; मॅनेजर म्हणतो – ‘मी त्याचा घरचाच होतो’
नवी दिल्ली : “सर, पाठदुखीच्या तीव्र वेदना होत आहेत… आज ऑफिसला येऊ शकणार नाही,” असा मेसेज पाठवून अवघ्या १० मिनिटांत एका कर्मचाऱ्याचा मृत्यू झाल्याची धक्कादायक घटना समोर आली आहे. सोशल मीडियावर सध्या या घटनेची चर्चा असून, अनेकजण “आरोग्याकडे दुर्लक्ष करू नका” असा सल्ला देताना दिसत आहेत.
आयुष्य क्षणात संपलं
१३ सप्टेंबर रोजी, ४० वर्षीय शंकर या कर्मचाऱ्याने सकाळी ८.३७ वाजता आपल्या मॅनेजर के.व्ही. अय्यर यांना सिक लिव्हसाठी मेसेज केला. पाठदुखीमुळे आज येता येणार नाही, असं सांगून त्याने विश्रांती घेण्याची विनंती केली. मात्र, त्या मेसेजनंतर अवघ्या १० मिनिटांत म्हणजे ८.४७ वाजता शंकरला तीव्र हृदयविकाराचा झटका आला आणि त्याच ठिकाणी त्याचा मृत्यू झाला.
कोणतीही व्यसने नव्हती
मॅनेजर अय्यर यांनी सोशल मीडियावर लिहिलं की, “शंकर हा पूर्णपणे निरोगी जीवनशैली जगणारा माणूस होता. तो धावायचा, नियमित व्यायाम करत होता, आणि त्याने कधी सिगारेटला हात लावला नव्हता, ना तो मद्यपान करायचा. त्याचा मृत्यू आमच्यासाठी अजूनच धक्कादायक ठरला.”
“त्याचा घरचा होतो मी…”
सकाळी ११ वाजता एका फोन कॉलवरून अय्यर यांना शंकरच्या मृत्यूची बातमी मिळाली. विश्वास बसला नाही. त्यांनी दुसऱ्या सहकाऱ्याकडे खात्री करून घेतली, पत्ता मिळवला आणि शंकरच्या घरी पोहोचले. तिथं वास्तव समोर आलं – शंकर खरोखरच गेल्याचं दिसून आलं.
“मी त्याचा बॉस होतो, पण त्याच्यासाठी मी घरचाच माणूस झालो होतो…” अशा भावनिक शब्दांत अय्यर यांनी पोस्टमधून आपल्या भावना व्यक्त केल्या.
नेटकऱ्यांचा सल्ला – “तब्बेतीकडे दुर्लक्ष नको”
ही पोस्ट सध्या व्हायरल होत असून, अनेकांनी शंकरच्या अकाली निधनावर दु:ख व्यक्त केलं आहे. तसंच ताणतणाव, कामाचा ओव्हरलोड, आणि दुर्लक्षित आरोग्य यावर भाष्य करत अनेकांनी “आपलं शरीर ऐका” असा सल्ला दिला आहे.
काय शिकावं या घटनेतून?
रूटीन तपासणी आवश्यक: निरोगी दिसणं म्हणजे आतून सर्व काही ठिक आहे असं नाही.
स्ट्रेस मॅनेजमेंट: ऑफिस आणि आयुष्याचं समतोल राखणं गरजेचं.
वेळेवर विश्रांती आणि उपचार: कोणत्याही वेदना किंवा त्रासाकडे दुर्लक्ष करू नये.
कुटुंबाला वेळ द्या: आयुष्य कधी, कुठे थांबेल सांगता येत नाही.
शंकरच्या निधनातून एक मोठा संदेश
शंकरच्या निधनानं त्याचे ऑफिसमधील सहकारी, कुटुंबीय आणि ऑनलाइन समुदाय हादरला आहे. आयुष्य क्षणभंगुर आहे, हे अधोरेखित करणारी ही घटना आपल्याला एकच सांगते – “काम महत्त्वाचं, पण आरोग्य त्याहून महत्त्वाचं!”
