“मविआचं सरकार हनी ट्रॅपमुळे पडलं, चार तरूण खासदार आणि 16-17 आमदार गळाला लावले”
मुंबई : राज्यात हनी ट्रॅपमध्ये चार मंत्री आणि अनेक सरकारी अधिकारी अडकल्याची चर्चा आहे. या प्रकरणावरून ठाकरे गटाचे नेते संजय राऊत यांनी खळबळजनक दावा केला आहे. मविआ सरकार हनी ट्रॅपमुळे पडल्याचं संजय राऊत यांनी म्हटलं आहे. त्यासोबतच आता गुन्हा दाखल केलेल्या प्रफुल्ल लोढाबाबतही धक्कादायक खुलासा केला.
मविआचं सरकार पाडण्याची सुरूवात हनी ट्रॅपची सुरूवात झाली, विजय वडेट्टीवार यांनी अल्प माहिती दिली. पूर्ण माहिती दिली नाही, आमचं सरकार हनीट्रॅपमुळे पाडलं, १६-१७ आमदार, ४ खासदार याच प्रकरणातून गळाला लावले. वेश पालटून जात होते ते सीडी प्रदान करायला जात होते आणि काळोखात सीडी देत होते. हे बघा तुमचे लोकं त्यानंतर काही लोकांना घाम फुटला आणि चौथ्या दिवशी सूरतला रवाना झाले नाहीतर सीडी बाहेर येईल, असं संजय राऊत यांनी म्हटलं आहे.
प्रफुल्ल लोढा जे भाजपच्यावतीने महत्त्वाच्या लोकांना हनीट्रॅपमध्ये पकडत होते. त्यांना किती म्हटलं की ते आमचे नाहीत. पण त्यांचे मुख्यमंत्री फडणवीसांसोबत सत्कार स्वीकारतानाचे फोटो आहेत. भाजपचा हा हस्तक असून विरोधी पक्षाच्या आणि स्वत:च्या लोकांवरती अशा प्रकारचे ट्रॅप लावले गेले. ते आता त्यांच्यावरच उलटल्यामुळे त्यांची धावाधाव सुरू आहे. पोलिसांना चार पेन ड्राईव्ह आणि दोन सीडी शोधायचे आहेत. त्यामध्ये जे काही आहे ते फडणवीस आणि महाजनांना माहित असल्याचं राऊत म्हणाले.
आमचे गेलेले चार तरूण खासदार सर्वांना माहिती आहेत. ते फक्त ईडी सीबीआयमुळे गेले हे वेगळं पण हनीट्रॅपमुळे गेले. काय विकृतीचे लोकं विधान भवनात गेले आहेत हे जगाला कळलंय. देवेंद्र फडणवीस यांच्या बाजूलाच हनी ट्रॅप बसले होते. फडणवीस खोटं बोलतायेत हे सर्वांनाच माहित आहे. मी आणि खडसेंनी सर्व पाहिल्याचंही राऊतांनी सांगितलं.
