धनशक्ती आणि घराणेशाहीविरोधात शिक्षकांचा कौल! डॉ. सुमित पवार यांचा दावा

शिक्षक बदलासाठी रस्त्यावर उतरले; प्रस्थापित व्यवस्थेविरोधात अपक्ष उमेदवाराची भूमिका

अमरावती | सिटी न्यूज

अमरावती विभाग शिक्षक मतदारसंघाच्या निवडणुकीत अपक्ष उमेदवार डॉ. सुमित पवार यांनी धनशक्ती, प्रस्थापित व्यवस्था आणि घराणेशाहीच्या मुद्द्यावर आपली भूमिका मांडली. शिक्षक मतदारसंघात बदलाची अपेक्षा असून, शिक्षक या बदलासाठी पुढे येत असल्याचे मत त्यांनी व्यक्त केले.

शिक्षक बदलासाठी रस्त्यावर उतरले

मतदानाची टक्केवारी मोठ्या प्रमाणावर दिसून येत असल्याचे सांगत डॉ. सुमित पवार यांनी शिक्षकांमध्ये बदलाची भावना असल्याचा दावा केला. धनशक्ती आणि प्रस्थापित व्यवस्थेच्या प्रभावापेक्षा शिक्षकांचे प्रश्न आणि त्यांच्या अपेक्षा महत्त्वाच्या ठराव्यात, अशी भूमिका त्यांनी मांडली.

घराणेशाहीच्या मुद्द्यावरून टीका

शिक्षक मतदारसंघातील निवडणुकीत घराणेशाही आणि प्रस्थापित व्यवस्थेचा मुद्दा उपस्थित करत डॉ. पवार यांनी बदलाची गरज अधोरेखित केली. शिक्षकांनी आपल्या प्रश्नांना प्राधान्य देणाऱ्या प्रतिनिधीची निवड करावी, असे मत त्यांनी व्यक्त केले.

अमरावती विभाग शिक्षक मतदारसंघाच्या निवडणुकीत शिक्षक मतदारांचा प्रतिसाद आणि मतदानाची टक्केवारी याकडे सर्वांचे लक्ष लागले आहे. डॉ. सुमित पवार यांनी व्यक्त केलेल्या बदलाच्या भूमिकेला मतदारांचा कितपत प्रतिसाद मिळतो, हे निकालानंतर स्पष्ट होईल.

बाईट : डॉ. सुमित पवार, अपक्ष उमेदवार

सिटी न्यूज | अमरावती