तिवसा तालुक्यात २१ वर्षीय तरुण कॅनॉलमध्ये वाहून गेला; प्रशासनाने शोधमोहीम सुरू केली
तिवसा (अमरावती) : तिवसा तालुक्यातील आनंदवाडी परिसरात आज दुपारी ११:३० वाजताच्या सुमारास २१ वर्षीय ओम सहारे नावाचा तरुण कॅनॉलच्या प्रवाहात वाहून गेला. पाय धुताना अचानक निसटल्याने हा दुर्दैवी प्रकार घडल्याचे सांगितले जात आहे.
घटनास्थळी वडिलांसमवेत ओम सहारे वाहून जाण्याचे दृश्य पाहून परिसरात खळबळ उडाली. या घटनेनंतर अप्पर वर्धा प्रशासन आणि रेस्क्यू टीम तिवसा तालुक्याकडे रवाना झाली असून, कॅनॉलमध्ये बेपत्ता तरुणाचा शोध सुरु आहे.
प्रशासनाकडून कॅनॉल परिसरातील शोधकार्य, तसेच पाण्याचा प्रवाह नियंत्रित करून रेस्क्यू ऑपरेशन प्रभावी पद्धतीने राबवण्याचे आदेश देण्यात आले आहेत. सध्या या तरुणाचा जीव सुरक्षित आहे की मृत्यू झाला आहे, याबाबत अद्याप अधिकृत माहिती मिळालेली नाही.
परिसरातील नागरिकांनी वडिलांपासून दूर राहून प्रशासनाच्या सूचना पाळण्याचे आवाहन करण्यात आले आहे.
