भाजपचा मोर्चा नेमका कोणाच्या बचावासाठी? भाजप बचाव की ज्ञानेश कुमार बचाव? – स्वप्निल खापेकर

हिंदू-मुस्लिम आणि अराजकतेच्या मुद्द्यांवरून राजकारण केल्याचा आरोप; शेतकरी, बेरोजगारी, महागाई आणि तरुणांच्या रोजगारावरून भाजपला सवाल

प्रतिनिधी : भारतीय जनता पक्षाच्या मोर्चावरून स्वप्निल खापेकर यांनी भाजपवर जोरदार टीका केली आहे. भाजपचा हा मोर्चा नेमका कोणाच्या बचावासाठी होता, भाजपच्या राजकीय प्रतिमेच्या बचावासाठी की ज्ञानेश कुमार यांच्या बचावासाठी, असा थेट सवाल त्यांनी उपस्थित केला. केंद्रात आणि महाराष्ट्रात भाजपच्या नेतृत्वाखाली सरकार असताना देशातील प्रश्नांची जबाबदारी नेमकी कोणाची, असा प्रश्नही त्यांनी उपस्थित केला.

खापेकर म्हणाले की, भारतीय जनता पक्षाकडून वारंवार नवीन राजकीय नॅरेटिव्ह तयार करण्याचा प्रयत्न केला जात आहे. कधी हिंदू-मुस्लिम मुद्द्यावरून राजकारण केले जाते, तर आता अराजकतेच्या नावाखाली राजकीय वातावरण निर्माण करण्याचा प्रयत्न सुरू असल्याचा आरोप त्यांनी केला.

शेतकऱ्यांचे प्रश्न महत्त्वाचे नाहीत का?

राज्यातील आणि देशातील जनतेसमोर अनेक गंभीर प्रश्न उभे असताना भाजपकडून या प्रश्नांना बगल दिली जात असल्याची टीका स्वप्निल खापेकर यांनी केली. शेतकऱ्यांवरील संकट, बेरोजगारी, वाढती महागाई, पेट्रोल-डिझेलचे दर आणि तरुणांच्या भविष्याचा प्रश्न यावर सरकारने ठोस भूमिका मांडण्याची गरज असल्याचे त्यांनी सांगितले.

“आज शेतकऱ्यांचा दुष्काळ, बेरोजगारी, वाढती महागाई, पेट्रोल-डिझेलचे दर आणि तरुणांच्या भविष्याचे प्रश्न महत्त्वाचे नाहीत का?” असा सवाल त्यांनी उपस्थित केला.

केंद्रात आणि राज्यात सत्ता तुमची, मग जबाबदारी कोणाची?

केंद्रात सरकार तुमचे आणि महाराष्ट्रातही सरकार तुमचे असताना देशात निर्माण होणाऱ्या समस्यांची जबाबदारी कोणाची, असा थेट प्रश्न खापेकर यांनी भाजपला विचारला.

जनतेच्या मूलभूत प्रश्नांवर ठोस उत्तरे देण्याऐवजी सत्तेची आणि राजकीय प्रतिमेची चिंता अधिक दिसत असल्याचा आरोपही त्यांनी केला.

जनतेला नॅरेटिव्ह नको, महागाईतून दिलासा हवा!

आपली भूमिका स्पष्ट करताना स्वप्निल खापेकर म्हणाले की, जनतेला वारंवार नवे राजकीय मुद्दे आणि आश्वासने नको आहेत. जनतेला प्रत्यक्ष दिलासा हवा आहे. शेतकऱ्यांना न्याय, तरुणांना रोजगार आणि सर्वसामान्य नागरिकांना महागाईतून दिलासा मिळणे आवश्यक आहे.

“माझा भाजपला एकच सवाल आहे. जनतेने तुम्हाला सत्ता दिली आहे, मग जनतेच्या प्रश्नांची उत्तरे देण्याची जबाबदारीसुद्धा तुमचीच आहे. जनतेला नॅरेटिव्ह नको, आश्वासने नकोत; जनतेला महागाईतून दिलासा, शेतकऱ्यांना न्याय आणि तरुणांना रोजगार हवा आहे,” असे स्वप्निल खापेकर यांनी ठामपणे सांगितले.

भाजपच्या मोर्चाच्या पार्श्वभूमीवर स्वप्निल खापेकर यांनी उपस्थित केलेल्या या प्रश्नांमुळे राजकीय वर्तुळात आरोप-प्रत्यारोपांना पुन्हा सुरुवात झाली आहे.

स्वप्निल खापेकर यांनी भाजपच्या मोर्चाच्या भूमिकेवर प्रश्न उपस्थित करत जनतेच्या मूलभूत प्रश्नांना प्राधान्य देण्याची मागणी केली आहे.