अमरावतीत ‘देश मेरा रंगीला’ थीमवर भव्य रास गरबा महोत्सव!

माहेश्वरी समाज आणि गोविंदा ग्रुपचा संयुक्त उपक्रम; गरब्यातून भारतीय संस्कृती आणि देशभक्तीचा संदेश

नवरात्रोत्सवाच्या उत्साहात अमरावतीत माहेश्वरी समाज आणि गोविंदा ग्रुप यांच्या संयुक्त विद्यमाने श्री रामदेव बाबा मंदिर परिसरात भव्य रास गरबा महोत्सवाचे आयोजन करण्यात आले आहे. यंदा ‘देश मेरा रंगीला’ या संकल्पनेवर आधारित या महोत्सवात विविध सांस्कृतिक कार्यक्रमांचे आयोजन करण्यात आले असून, गरब्याच्या माध्यमातून भारतीय संस्कृतीचे रक्षण, पारंपरिक मूल्यांचे जतन आणि देशभक्तीचा संदेश देण्याचा प्रयत्न करण्यात येत आहे.

नवरात्रोत्सवात गरबा आणि दांडियाच्या माध्यमातून देवीची आराधना केली जाते. याच परंपरेला देशभक्तीची जोड देत आयोजकांनी यंदा ‘देश मेरा रंगीला’ ही संकल्पना निवडली आहे. या थीमच्या माध्यमातून भारतीय संस्कृतीचे वैविध्य, देशाप्रती अभिमान आणि पारंपरिक मूल्यांचे महत्त्व अधोरेखित केले जात आहे. महोत्सवात विविध सांस्कृतिक कार्यक्रमांचीही मेजवानी सहभागींसाठी ठेवण्यात आली आहे.

गरबा हा केवळ मनोरंजनाचा प्रकार नसून, भारतीय सांस्कृतिक परंपरेचा महत्त्वाचा भाग आहे. या परंपरेचे जतन करून ती नव्या पिढीपर्यंत पोहोचवण्याचा आयोजकांचा प्रयत्न आहे. भारतीय संस्कृतीचे रक्षण करण्यासाठी माहेश्वरी समाज सक्षम असल्याची प्रतिक्रिया समाजाच्या अध्यक्षांनी व्यक्त केली. परंपरा, संस्कृती आणि देशभक्ती यांचा संगम घडवून आणणारा हा महोत्सव नवरात्रोत्सवातील सांस्कृतिक उत्साहात भर घालत आहे