नागपूर महानगरपालिकेच्या ५ लाख वृक्षलागवड लक्ष्याला हातभार; आज ‘मेगा सायंटिफिक प्लांटेशन ड्राइव्ह’
नागपूर महानगरपालिकेच्या ५ लाख वृक्षलागवडीच्या उद्दिष्टाला पाठबळ देण्यासाठी भोंगले चॅरिटेबल फाउंडेशनच्या वतीने आज, शुक्रवार २१ ऑगस्ट रोजी ‘मेगा सायंटिफिक प्लांटेशन ड्राइव्ह २०२६’ आयोजित करण्यात आला आहे.
या उपक्रमाचे उद्घाटन नागपूरच्या महापौर नीता ठाकरे यांच्या हस्ते होणार आहे. दोन टप्प्यांत राबविण्यात येणाऱ्या या पर्यावरणपूरक मोहिमेअंतर्गत शास्त्रीय पद्धतीने वृक्षलागवड करण्यावर भर दिला जाणार आहे.
हा कार्यक्रम दुपारी १ वाजता भाऊसाहेब मुळक आयुर्वेद महाविद्यालयाच्या बोटॅनिकल गार्डनमध्ये आयोजित करण्यात आला आहे.
या कार्यक्रमाला संचालक दिलीप डेंगें, महाविद्यालयाचे प्राचार्य डॉ. युवराज काळे आणि केडीके कॉलेज ऑफ फार्मसीचे प्राचार्य डॉ. कमलेश वाधेर यांची प्रमुख उपस्थिती राहणार आहे.
भोंगले चॅरिटेबल फाउंडेशनच्या डॉ. शालिग्राम भोंगले, डॉ. प्रिती भोंगले आणि यश भोंगले यांच्या पुढाकारातून हा उपक्रम राबविण्यात येत आहे.
नागपूर शहरात हरित क्षेत्र वाढवणे आणि पर्यावरण संवर्धनाला चालना देणे, हा या मोहिमेचा मुख्य उद्देश आहे.
