निठारी हत्याकांड: सर्वोच्च न्यायालयाकडून प्रमुख आरोपी सुरेंद्र कोलीची निर्दोष मुक्तता

नवी दिल्ली, ११ नोव्हेंबर: निठारी हत्याकांडातील मुख्य आरोपी सुरेंद्र कोली याची सर्वोच्च न्यायालयाने मंगळवारी (११ नोव्हेंबर २०२५) शेवटच्या प्रलंबित खटल्यात निर्दोष मुक्तता केली. या निर्णयानंतर कोलीविरुद्धच्या सर्व खटल्यांचा शेवट झाला आहे. कोलीच्या या प्रकरणात पूर्वीच शिक्षा कायम ठेवण्यात आली होती, मात्र सर्वोच्च न्यायालयाच्या पीठाने आज दिलेल्या निर्णयानुसार, ती शिक्षा न्यायव्यवस्थेचा अपमान (travesty of justice) ठरेल, असे स्पष्ट करण्यात आले. मुख्य न्यायमूर्ती बी.आर. गवई, न्यायमूर्ती सूर्यकांत आणि विक्रम नाथ यांच्या खंडपीठाने ३ ऑक्टोबर २०२५ रोजी सुनावणीदरम्यानच स्पष्ट केले होते की, २०११ च्या निर्णयाला आधार देणे योग्य ठरणार नाही, कारण त्याच पुराव्यांवर आधारित १२ इतर प्रकरणांमध्ये कोलीला आधीच निर्दोष ठरविण्यात आले आहे. या निकालामुळे निठारी हत्याकांडाशी संबंधित दीर्घकाळ सुरू असलेली न्यायप्रक्रिया अखेर संपुष्टात आली असून, न्यायालयाने म्हटले की, “समान पुराव्यावर भिन्न निकाल देणे हे न्यायव्यवस्थेतील असमानतेचे उदाहरण ठरेल.”