भाजप–शिंदे शिवसेना युतीबाबत अद्याप स्पष्टता नाही : माजी मंत्री जगदीश गुप्ता
मुंबई | प्रतिनिधी
राज्यातील राजकारणात सध्या मोठ्या हालचाली पाहायला मिळत असून, भाजप आणि शिंदे गटातील शिवसेना यांच्यातील युतीबाबत अजूनही स्पष्टता नसल्याचे मोठे वक्तव्य माजी मंत्री जगदीश गुप्ता यांनी केले आहे. सध्या भाजपासोबत केवळ युतीसंदर्भात चर्चा सुरू असून, कोणतीही अधिकृत युती झालेली नसल्याचे त्यांनी स्पष्ट केले.
माध्यमांशी बोलताना जगदीश गुप्ता म्हणाले की, दोन्ही पक्षांमध्ये संवाद सुरू असला तरी अद्याप ठोस निर्णय झालेला नाही. त्यामुळे आगामी निवडणुकांच्या पार्श्वभूमीवर राजकीय समीकरणे बदलण्याची शक्यता नाकारता येत नाही.
दरम्यान, युतीसाठी ४५ जागांची अट ठेवण्यात आली असून, ही अट मान्य न झाल्यास स्वबळावर निवडणूक लढवण्याची तयारी असल्याचा इशारा शिंदे गटातील शिवसेनेकडून देण्यात आला आहे. या भूमिकेमुळे राज्याच्या राजकारणात उत्सुकता वाढली आहे.
आगामी काळात भाजप आणि शिंदे शिवसेना यांच्यातील चर्चा नेमक्या कुठल्या दिशेने जातात, याकडे संपूर्ण राज्याचे लक्ष लागले आहे. युतीचा निर्णय लवकरच होणार की दोन्ही पक्ष स्वतंत्र मार्ग स्वीकारणार, याबाबत राजकीय वर्तुळात तर्कवितर्क सुरू आहेत.
