मुंबईत आम आदमी पक्षाला स्टार प्रचारकांचं बळ; केजरीवाल, सिसोदियांसह दिग्गज नेते मैदानात उतरणार
नगरपरिषद निवडणुकांतील यशानंतर भाजपसह सर्वच राजकीय पक्षांनी आगामी महापालिका निवडणुकांसाठी जोरदार तयारी सुरू केली आहे. या पार्श्वभूमीवर आम आदमी पक्ष (AAP) देखील मुंबई महानगरपालिका निवडणुकीसाठी पूर्ण ताकदीनिशी मैदानात उतरणार असून, पक्षाने स्टार प्रचारकांची भलीमोठी यादी जाहीर केली आहे.
मुंबईत ‘आप’च्या प्रचारासाठी दिल्ली, पंजाबसह देशभरातील दिग्गज नेते उतरवण्यात येणार आहेत.
40 स्टार प्रचारकांची यादी जाहीर
आम आदमी पक्षाच्या अध्यक्षांनी आणि मुंबई अध्यक्षा प्रीती शर्मा मेनन यांनी मुंबई महापालिका निवडणुकीसाठी 40 स्टार प्रचारकांची यादी जाहीर केली आहे. विशेष म्हणजे, पक्षाच्या 21 उमेदवारांची पहिली यादी जाहीर होताच ही स्टार प्रचारकांची यादी प्रसिद्ध करण्यात आली आहे.
कोण असतील स्टार प्रचारक?
दिल्लीचे माजी मुख्यमंत्री आणि ‘आप’चे राष्ट्रीय संयोजक अरविंद केजरीवाल यांच्या नेतृत्वाखाली पक्ष मुंबईत निवडणूक लढवणार आहे. प्रचारासाठी खालील प्रमुख नेते मुंबईच्या मैदानात उतरणार आहेत—
- अरविंद केजरीवाल
- मनीष सिसोदिया
- पंजाबचे मुख्यमंत्री भगवंत मान
- राज्यसभा खासदार संजय सिंह
- माजी मंत्री सत्येंद्र जैन
- अतिशी
- सौरभ भारद्धाज
- इमरान हुसैन
- अमनतुल्ला खान
- पंकज कुमार गुप्ता
याशिवाय दिल्ली, पंजाब, गोवा, गुजरात आणि महाराष्ट्रातील अनेक वरिष्ठ नेते व पदाधिकारी प्रचारात सहभागी होणार आहेत.
सर्व 227 जागांवर लढणार निवडणूक
आम आदमी पक्षाने मुंबई महानगरपालिकेच्या सर्व 227 जागांवर स्वबळावर निवडणूक लढवण्याचा निर्णय घेतला आहे. पक्ष कोणत्याही युतीशिवाय निवडणुकीच्या रिंगणात उतरणार असून, पहिल्या टप्प्यात 21 उमेदवारांची नावे जाहीर करण्यात आली आहेत.
राज्यसभा सदस्यांचाही प्रचारात सहभाग
या निवडणुकीत ‘आप’कडून केवळ स्थानिक नेतेच नव्हे, तर राज्यसभा सदस्य आणि माजी मंत्रीही प्रचारात सक्रिय असणार आहेत. त्यामुळे मुंबईतील प्रचार अधिक आक्रमक आणि लक्षवेधी होण्याची शक्यता वर्तवली जात आहे.
FAQ
1) मुंबई महापालिका निवडणुकीत AAP किती जागांवर लढणार?
आम आदमी पक्ष मुंबई महानगरपालिकेच्या सर्व 227 जागांवर स्वबळावर निवडणूक लढवणार आहे.
2) AAP ने आतापर्यंत किती उमेदवारांची यादी जाहीर केली आहे?
पक्षाने 21 उमेदवारांची पहिली यादी जाहीर केली आहे.
3) AAP चे प्रमुख स्टार प्रचारक कोण आहेत?
अरविंद केजरीवाल, मनीष सिसोदिया, भगवंत मान, संजय सिंह, सत्येंद्र जैन, अतिशी, सौरभ भारद्धाज, इमरान हुसैन, अमनतुल्ला खान आदी प्रमुख नेत्यांचा स्टार प्रचारकांच्या यादीत समावेश आहे.
