नागपुरात वाहन चोरी प्रकरणी दोघांना अटक; दोन दुचाकींसह एक लाखांचा मुद्देमाल जप्त

धंतोली व पाचपावली परिसरातील वाहन चोरीचे दोन गुन्हे उघड; गुन्हे शाखेच्या वाहन चोरी विरोधी पथकाची कारवाई

नागपूर | प्रतिनिधी

नागपूर शहरातील वाहन चोरीच्या गुन्ह्यांवर कारवाई करत गुन्हे शाखेच्या वाहन चोरी विरोधी पथकाने दोन आरोपींना अटक केली आहे. या कारवाईत चोरीच्या दोन दुचाकी जप्त करण्यात आल्या असून, एकूण एक लाख रुपयांचा मुद्देमाल हस्तगत करण्यात आला आहे.

पोलिसांनी दिलेल्या माहितीनुसार, वाहन चोरी विरोधी पथकाला मिळालेल्या गुप्त माहितीच्या आधारे सापळा रचून अजय संजय सारवण आणि युगांत उर्फ अंडा संजय कापसे या दोघांना ताब्यात घेण्यात आले.

चौकशीदरम्यान आरोपींकडून धंतोली आणि पाचपावली पोलीस ठाण्यांच्या हद्दीतून चोरीस गेलेल्या दोन दुचाकींचा शोध लागला. यामध्ये एमएच-31-ईएक्स-3518 क्रमांकाची होंडा अॅक्टिव्हा आणि एमएच-31-डीवाय-6204 क्रमांकाची हिरो होंडा मोटारसायकल यांचा समावेश आहे.

पोलिसांनी दोन्ही वाहने जप्त करून सुमारे एक लाख रुपयांचा मुद्देमाल हस्तगत केला. या कारवाईमुळे वाहन चोरीचे दोन गुन्हे उघडकीस आले असून, आरोपींकडून आणखी काही गुन्ह्यांची उकल होण्याची शक्यता वर्तविण्यात येत आहे.

या प्रकरणाचा पुढील तपास नागपूर गुन्हे शाखेकडून सुरू असून, वाहन चोरीच्या घटनांवर प्रभावी नियंत्रण मिळवण्यासाठी अशा कारवाया पुढेही सुरू राहतील, असे पोलिसांनी सांगितले आहे.