नोएडामध्ये मजुरांचा आंदोलन हिंसक; वाहनांना आग, तोडफोडीच्या घटना
नोएडा : वेतनवाढीच्या मागणीसाठी करण्यात आलेले मजुरांचे आंदोलन सोमवारी (१३ एप्रिल २०२६) अचानक हिंसक वळणावर गेले. शहरातील फेज-२ आणि सेक्टर ६० परिसरात आंदोलनादरम्यान जाळपोळ, दगडफेक आणि तोडफोडीच्या घटना घडल्याने तणावाचे वातावरण निर्माण झाले.
मिळालेल्या माहितीनुसार, विविध औद्योगिक युनिटमधील मोठ्या संख्येने कामगार वेतनवाढीच्या प्रलंबित मागणीसाठी एकत्र जमले होते. आंदोलनादरम्यान त्यांनी घोषणाबाजी करत प्रशासनावर दबाव आणण्याचा प्रयत्न केला.
मात्र, काही ठिकाणी आंदोलन बेकाबू झाले आणि संतप्त जमावाने वाहनांना आग लावली तसेच मालमत्तेची तोडफोड केली. दगडफेकीच्या घटनांमुळे परिसरात भीतीचे वातावरण निर्माण झाले.
पोलिसांनी तात्काळ घटनास्थळी धाव घेत परिस्थिती नियंत्रणात आणण्याचा प्रयत्न केला. सध्या परिस्थिती नियंत्रणात असल्याची माहिती अधिकाऱ्यांकडून देण्यात आली आहे.
दरम्यान, या घटनेमुळे कायदा-सुव्यवस्थेचा प्रश्न ऐरणीवर आला असून, आंदोलन हिंसक होण्यामागील कारणांचा तपास सुरू आहे.
