मुंबई क्लायमेट वीक २०२६ : बेला ग्राम महाराष्ट्रातील पहिले ‘नेट-झिरो’ गाव
मुंबई : Mumbai Climate Week 2026 दरम्यान महाराष्ट्रातील विदर्भातील भंडारा जिल्ह्यातील बेला ग्राम हे राज्यातील पहिले ‘नेट-झिरो’ पंचायत म्हणून विशेष चर्चेत आले. स्थानिक स्वराज्य संस्थेच्या नेतृत्वामुळे हवामान बदलावर प्रभावी आणि स्थानिक पातळीवरील कृती शक्य होत असल्याचे या निमित्ताने अधोरेखित झाले.
विदर्भातील Bela Gram या गावाने कार्बन उत्सर्जन शून्यावर आणण्याचा संकल्प पूर्ण करत राज्यात नवा आदर्श निर्माण केला आहे. या उपक्रमाचे नेतृत्व सरपंच शारदा गायधने यांनी केले.
“हवामान बदलाचा परिणाम सर्वप्रथम सामान्य नागरिकांच्या दैनंदिन जीवनावर होतो — आपण पिकवलेल्या अन्नावर, वापरलेल्या पाण्यावर आणि आरोग्यावर त्याचा परिणाम दिसतो. त्यामुळे हवामान कृतीची सुरुवात घरापासूनच होते. पंचायत मार्गदर्शन करते, नागरिक सहभागी होतात आणि बदल घडतो,” असे सरपंच Sharada Gaydhane यांनी सांगितले.
बेला ग्राममध्ये सौरऊर्जा वापर, पाणी संवर्धन, कचरा व्यवस्थापन आणि हरित उपक्रमांद्वारे कार्बन उत्सर्जन कमी करण्यावर भर देण्यात आला. स्थानिक पातळीवर लोकसहभाग आणि पंचायत नेतृत्व यांची सांगड घालत हवामान बदलाला सामोरे जाण्याचा हा प्रयत्न यशस्वी ठरला आहे.
मुंबई क्लायमेट वीकमध्ये बेला ग्रामचा अनुभव मांडताना, ग्रामीण भागात शाश्वत विकासासाठी स्थानिक नेतृत्व किती महत्त्वाचे आहे, यावर विशेष भर देण्यात आला.
