चांदूरबाजार तालुक्यात अवैध मुरूम वाहतुकीमुळे तरुणाचा मृत्यू; नागरिक संतप्त

चांदूरबाजार – तालुक्यातील ब्राह्मणवाडा थडी परिसरात अवैध मुरूम वाहतुकीमुळे आज सकाळी एक युवक बळी गेला. धडकीतून गंभीर जखमी झालेल्या अमोल पेठे यांचा घटनास्थळीच मृत्यू झाला. घरातील एकमेव कमावता व्यक्ती गमावल्याने कुटुंबावर दुःखाचा डोंगर कोसळला आहे.

स्थानिक नागरिकांनी आरोप केला आहे की महिन्यांपासून अवैध मुरूम वाहतुकीविरोधात तक्रारी, निवेदने दिल्या गेल्या, परंतु प्रशासनाने दुर्लक्ष केले. घटनेनंतर नागरिक रस्त्यावर उतरून प्रशासनाविरोधात संताप व्यक्त करताना दिसले.

पोलिसांनी धडक देणारा टिप्पर चालक ताब्यात घेतला असला तरी, नागरिकांच्या मते फक्त चालकच नाही तर अवैध वाहतूक चालवणारे आणि पाठबळ देणारे सर्वजण कारवाईत यावेत.

नागरिकांच्या मुख्य मागण्या पुढीलप्रमाणे आहेत:

• अवैध मुरूम वाहतूक तात्काळ बंद करावी
• टिप्परवर वेगमर्यादा व GPS नियंत्रण लागू करावे
• मृतकाच्या कुटुंबाला न्याय व नुकसानभरपाई द्यावी

स्थानिकांना या घटनेमुळे प्रशासनाच्या निष्काळजीपणावर गंभीर प्रश्न उपस्थित झाले आहेत.