LPG टंचाईची शक्यता; केंद्र सरकारकडून संयमित वापराचे आवाहन, PNGला प्रोत्साहन
देशात एलपीजी (LPG) पुरवठ्याबाबत निर्माण झालेल्या चिंतेच्या पार्श्वभूमीवर केंद्र सरकारने नागरिकांना इंधनाचा संयमित वापर करण्याचे आवाहन केले आहे. तसेच, पाईपद्वारे पुरवठा होणाऱ्या नैसर्गिक वायूला म्हणजेच PNG प्रोत्साहन देण्यावर भर देण्यात येत आहे.
Ministry of Petroleum and Natural Gasमधील संयुक्त सचिव Sujata Sharma यांनी दिलेल्या माहितीनुसार, सध्या घरगुती PNG आणि CNG ग्राहकांना पूर्ण पुरवठा मिळत आहे. तसेच, व्यावसायिक LPG विक्रीही काही प्रमाणात पुन्हा सुरू करण्यात आली आहे.
केंद्र सरकारने राज्यांना शहरांमध्ये गॅस पाईपलाईन प्रकल्पांना जलद मंजुरी देण्याचे निर्देश दिले आहेत, जेणेकरून भविष्यातील संभाव्य टंचाई टाळता येईल आणि इंधन पुरवठा सुरळीत राहील.
सध्या पश्चिम आशियातील तणावामुळे इंधन पुरवठ्यावर परिणाम होण्याची शक्यता व्यक्त केली जात असून, नागरिकांनी LPGचा वापर विचारपूर्वक करावा, असे आवाहन सरकारकडून करण्यात आले आहे.
