कच्चतीवू परिसरात मासेमारी करताना दोन भारतीय मच्छीमारांना श्रीलंकेच्या नौदलाने अटक
तामिळनाडूतील रामेश्वरम येथील दोन भारतीय मच्छीमारांना कच्चतीवू परिसरात मासेमारी करत असताना श्रीलंकेच्या नौदलाने अटक केल्याची घटना गुरुवारी (१२ मार्च २०२६) पहाटे घडली आहे. बेकायदेशीररीत्या मासेमारी केल्याच्या आरोपाखाली ही कारवाई करण्यात आली आहे.
मत्स्यव्यवसाय विभागाच्या अधिकाऱ्यांनी दिलेल्या माहितीनुसार, ज. मिनिट्टो रायप्पन (वय २६) आणि र. सुमंथन (वय २९) हे रामेश्वरमजवळील थंगाचिमदम येथील रहिवासी आहेत. हे दोघेही बुधवारी (११ मार्च) मासेमारीसाठी समुद्रात गेले होते.
दरम्यान, कच्चतीवू आणि मन्नार बेटांच्या परिसरात मासेमारी करत असताना गस्त घालत असलेल्या श्रीलंकेच्या नौदलाने त्यांना ताब्यात घेतले. यावेळी त्यांच्या ट्रॉलर बोटीचीही जप्ती करण्यात आली.
अटक करण्यात आलेल्या दोन्ही मच्छीमारांना पुढील चौकशीसाठी तळैमन्नार येथील नौदल तळावर नेण्यात आल्याची माहिती मत्स्यव्यवसाय विभागाच्या अधिकाऱ्यांनी दिली आहे.
