ZP Election Result 2026: ग्रामीण महाराष्ट्रात ‘महायुती’चा झंझावात! भाजप नंबर १, तर शिंदे गटही शंभरी पार; पाहा ५००+ जागांचे चक्रावणारा निकाल

मुंबई: महाराष्ट्रातील १२ जिल्हा परिषदा आणि १२५ पंचायत समित्यांच्या निवडणुकीचे निकाल आज जाहीर होत असून, सुरुवातीच्या कलांमध्ये महायुतीने विरोधकांना अस्मान दाखवले आहे. ५०० हून अधिक जागांचे कल स्पष्ट झाले असून, यामध्ये भारतीय जनता पक्ष (BJP) १९८ जागांसह राज्यातील सर्वात मोठा पक्ष ठरताना दिसत आहे. विशेष म्हणजे मुख्यमंत्री एकनाथ शिंदे यांच्या नेतृत्वाखालील शिवसेनेनेही शंभरीचा टप्पा पार करत ग्रामीण भागात आपली ताकद सिद्ध केली आहे.

जिल्हा परिषद निकाल (दुपारी २ वाजेपर्यंतची आकडेवारी):

एकूण ७३१ जागांपैकी सुमारे ५६४ जागांचे कल/निकाल हाती आले आहेत:

कोकणात महायुतीचा ‘क्लीन स्वीप’; २७ जागा बिनविरोध

निकाल जाहीर होण्यापूर्वीच कोकणात महायुतीने बाजी मारली होती. सिंधुदुर्ग जिल्हा परिषदेच्या ५० पैकी ८ जागा आणि पंचायत समितीच्या १७ जागा महायुतीने बिनविरोध जिंकल्या आहेत. रायगड आणि रत्नागिरीमध्येही शिंदे गटाचे उमेदवार बिनविरोध निवडून आले आहेत, ज्यामुळे कोकण हा महायुतीचा बालेकिल्ला असल्याचे पुन्हा एकदा अधोरेखित झाले आहे.

अजित पवार गटाची ‘सहानुभूती’ आणि मुसंडी

उपमुख्यमंत्र्यांच्या निधनानंतर होत असलेल्या या निवडणुकीत पुणे आणि पश्चिम महाराष्ट्रात राष्ट्रवादी काँग्रेसला (अजित पवार गट) मोठी सहानुभूती मिळाल्याचे दिसत आहे. ११५ जागांवर आघाडी घेत या पक्षाने महायुतीला मोठी ताकद दिली आहे. तर दुसरीकडे महाविकास आघाडीला (MVA) अपेक्षेप्रमाणे यश मिळताना दिसत नाहीये.

या १२ जिल्ह्यांच्या निकालांकडे लक्ष:

आज रायगड, रत्नागिरी, सिंधुदुर्ग, पुणे, सातारा, सांगली, कोल्हापूर, सोलापूर, छत्रपती संभाजीनगर, परभणी, धाराशिव आणि लातूर या जिल्ह्यांतील उमेदवारांचे भवितव्य स्पष्ट होणार आहे.