नागपुरात ‘ऑपरेशन शक्ती’ अंतर्गत मोठी कारवाई! देहव्यापार अड्ड्यावर छापा, महिला अटकेत

नागपूरच्या इसासनी परिसरात अनैतिक मानवी वाहतूक प्रतिबंधक कक्षाने (AHTU) ‘ऑपरेशन शक्ती’ अंतर्गत मोठी कारवाई केली आहे. एका घरात सुरू असलेल्या देहव्यापार अड्ड्यावर छापा टाकून पोलिसांनी मंदा सुधाकर खिरेकर (५१ वर्षे) या महिला आरोपीला अटक केली आहे.ही महिला आर्थिक फायद्यासाठी इतर महिलांना आमिष दाखवून त्यांच्याकडून देहव्यापार करून घेत होती. पोलिसांनी बनावट ग्राहकाच्या मदतीने हा सापळा रचला आणि आरोपीला रंगेहात पकडले. या कारवाईत एका पीडित महिलेची सुटका करण्यात आली असून रोख रकमेसह एकूण ११,५३० रुपयांचा मुद्देमाल जप्त करण्यात आला आहे.

प्राप्त माहितीनुसार, नागपूरच्या इसासनी भागात पोलिसांनी ‘ऑपरेशन शक्ती’ अंतर्गत मोठी कारवाई केली आहे. अनैतिक मानवी वाहतूक प्रतिबंधक कक्षाने (AHTU) एका घरातील देहव्यापार अड्ड्यावर छापा टाकला. ५१ वर्षीय मंदा सुधाकर खिरेकर ही महिला स्वतःच्या आर्थिक फायद्यासाठी पीडित महिलांना पैशांचे आमिष दाखवून हा व्यवसाय चालवत होती. पोलिसांनी बनावट ग्राहक पाठवून या कृत्याचा पर्दाफाश केला. या धाडीत एका पीडित महिलेची सुटका करण्यात आली असून, ११,५३० रुपयांचा मुद्देमाल जप्त केला आहे. आरोपी मंदा खिरेकरला पोलिसांनी बेड्या ठोकल्या असून पुढील तपास सुरू आहे.